ក្លឹប Real Madrid មានបំណងចង់លក់ខ្សែប្រយុទ្ធ Eden Hazard ចេញនៅចប់រដូវកាលនេះហើយ ប្រសិនបើមានក្លឹបណាចង់បាន អាចចរចាគ្នា។
បន្ទាប់ពីចូលរួមជាមួយក្រុម Real Madrid បាន២ឆ្នាំ ពេលនេះ Hazard ទំនងជាដល់ផ្លូវបំបែកជាមួយក្លឹបនៅអេស្ប៉ាញនេះហើយ។ ការមកដល់ជាមួយបញ្ហារបួស និងចេះឈប់ និងទម្រង់លេងមិនសូវល្អផងនោះ ទើបបានជាក្លឹបដែលដឹកនាំដោយលោក Zidane មានចិត្តចង់លក់កីឡាករតម្លៃខ្លួន៩០លានផោនរបស់ខ្លួនចេញហើយ។
នៅចប់រដូវកាលនេះ បើមានក្លឹបណាចង់បាន ឬបើកការចរចានោះ ក្រុម Real Madrid នឹងចរចាភ្លាម ជាមួយតម្លៃខ្លួនមិនថ្លៃពេកនោះទេ។ ការចង់លក់ខ្សែប្រយុទ្ធបែលហ្សិកចេញនេះ គឺដើម្បីទុកឱកាសឱ្យក្រុមស្វែងរកអ្នកមកជំនួសវិញផងដែរនៅទីផ្សារដោះដូរកីឡាករខាងមុខនេះ៕ប្រភព៖ DailyMail
