នៅប្រកួតជើងទី ២ ក្នុងទឹកដីអង់គ្លេសកាលពីយប់មិញ ក្លឹបបារាំង PSG ពុំបានប៉ះប៉ូវគ្រាប់បាល់មកវិញនោះទេ ផ្ទុយទៅវិញខាងម្ចាស់ផ្ទះមានតែបន្ថែម ២ គ្រាប់ទៀតឲ្យ ពោលគឺលទ្ធផលបញ្ចប់ទៅ Man City យកឈ្នះ ២-០ (សរុបពីរជើង ៤-១)។
នៅជើងទី ២ នេះ Man City ស៊ុតតែ ១២ លើក ចំគោលដៅ ៥ លើក គ្រប់គ្រងបាល់ ៤៤ ភាគរយ ស្របពេលដែល PSG ស៊ុត ១៤ លើក មិនចំគោលដៅ សូម្បី ១ លើក ត្បិតបើការគ្រប់គ្រងបាល់ល្អមាន ៥៦ ភាគរយ។
គ្រាប់បាល់បញ្ចប់ទីកើតឡើងតាំងពីនាទីទី ១១ ដោយ Riyad Mahrez មុនពេលកីឡាករដដែលនេះបន្ថែមមួយគ្រាប់នៅនាទី ៦៣។ មកដល់នាទី ៦៩ ស្រាប់តែមានការប៉ះទង្គិចលើទីលាននាំឲ្យ Angel di Maria ទទួលបានកាតក្រហម បន្សល់កីឡាករ ១០ នាក់សម្រាប់ PSG ល្មមនឹងអស់ឱកាសបន្តក្តីសង្ឃឹមតទៅទៀត។
ទស្សនាវីដេអូខាងក្រោម៖
https://youtu.be/ABCWNxg6zL0
បញ្ជាក់ថា នេះជាលើកដំបូងសម្រាប់ក្លឹប Man City នូវការឡើងទៅកាន់វគ្គផ្តាច់ព្រ័ត្រ Champions League ដោយកន្លងមកអស់ខ្ពស់ហើយត្រឹមវគ្គពាក់កណ្តាលផ្តាច់ព្រ័ត្រ៕