ការប្រកួតព្រឹត្តិការណ៍ Euro 2020 ដែលនឹងធ្វើឡើងនៅខែមិថុនាខាងមុខនេះ ត្រូវបានសមាគមបាល់ទាត់អឺរ៉ុប UEFA ប្រកាសអំពីការកែសម្រួលនូវចំណុចសំខាន់មួយ ពាក់ព័ន្ធនឹងទំហំនៃការកោះហៅកីឡាករមកចូលរួម។
សារនេះគឺខុសពីឆ្នាំមុនៗ ដោយបញ្ជីកីឡាករដែលអាចចុះឈ្មោះចូលរួមការប្រកួត ជាធម្មតាមានតែ ២៣ រូបប៉ុណ្ណោះ ប៉ុន្តែ UEFA បានប្រកាសឲ្យបន្ថែមដល់ ២៦ រូបនៅព្រឹត្តិការណ៍ Euro 2020។ ប៉ុន្តែកំឡុងការប្រកួតនីមួយៗ គឺអនុញ្ញាតឲ្យប្រើប្រាស់តែ ២៣ រូបប៉ុណ្ណោះ។
ការកែសម្រួលនេះ នឹងផ្តល់ផលចំណេញបន្ថែមទៀតសម្រាប់ក្រុមដែលមានបណ្តុំកីឡាករល្អៗគរជើងគ្នា តួយ៉ាងដូចជាអង់គ្លេស អេស្ប៉ាញ និងអ៊ីតាលី ដែលពួកគេពោរពេញដោយយុវជន ក៏ដូចជាកីឡាករជើងចាស់ថ្មីមានសមត្ថភាព ហើយពិតជាពិបាកសម្រាប់គ្រូបង្គោលក្នុងការសម្រេចថាគួរដាក់នរណាទុកនរណា៕
ប្រភព៖ BeSoccer