ការប្រកួតនៅ Serie A យើងរកឃើញក្រុមឈ្នះជើងឯកហើយត្រឹមជុំទី ៣៤ នោះគឺបានទៅលើក្រុម Inter Milan ដែលពួកគេមាន ៨៣ ពិន្ទុ វ៉ាដាច់ក្រុមលេខ ២ ដល់ទៅ ១៣ ពិន្ទុ។
យ៉ាងណាយើងទៅមើលក្រុមលេខ ២/៣/៤ មានលំដាប់ពិន្ទុស្មើគ្នា ដោយរួមមាន Atalanta, Juventus និង Milan មាន ៦៩ ពិន្ទុ ខណៈដែលក្រុមលេខ ៥ Napoli មាន ៦៧ ពិន្ទុ។ ពួកគេកំពុងប្រជែងគ្នាយកកៅអី Top 4 ដើម្បីទៅចូលរួមការប្រកួតពានអឺរ៉ុប UCL រដូវកាលក្រោយ។
បើទៅមើលការប្រកួតរបស់ Juventus ដែលជាក្រុមគួរឲ្យចាប់អារម្មណ៍ជាងគេនោះគឺ Ronaldo រកបាន ២ គ្រាប់ម្នាក់ឯងនៅយប់ថ្ងៃអាទិត្យ លើជ័យជម្នះយក ៣ ពិន្ទុពី Udinese។ CR7 រកបានមួយគ្រាប់នៅនាទី ៨៣ ដោយបាល់ប៉េណាល់ទី និងបន្ថែមមួយគ្រាប់ទៀតនៅនាទី ៨៩។
ទស្សនាវីដេអូខាងក្រោម៖
បញ្ជាក់ថា សម្រាប់ Ronaldo រដូវកាលនេះ គេមិនបានឈ្នះពានរង្វាន់ធំ Serie A និង UCL អ្វីនោះទេ ដោយក្តីសង្ឃឹមតែមួយគត់គឺពានរង្វាន់បុគ្គល Top Scorer ប្រចាំលីគ ដោយបច្ចុប្បន្នកីឡាករព័រទុយហ្គាល់នាំមុខគេរកបាន ២៧ គ្រាប់ តាមពីក្រោយដោយ Romelu Lukaku មាន ២១ គ្រាប់៕