នៅការប្រកួតជុំទី ៣៤ ក្រុមម្ចាស់ផ្ទះ Tottenham Hotspur បានយកឈ្នះ ៤-០ ទៅលើ Sheffield United ដែលនាំឲ្យតារាងចំណាត់ថ្នាក់មានការប្រែប្រួលនៅយប់មិញ។ Spurs មាន ៥៦ ពិន្ទុ ឈរលេខ ៥ ស្របពេលដែល Sheffield បន្តឈរនៅបាតតារាងមាន ១៧ ពិន្ទុ។
បញ្ជាក់ថាការប្រកួតពីយប់មិញ Spurs បានពាក់អាវមានអក្សរខ្មែរ ជាការគាំទ្រដល់អង្គការផ្កាយសមុទ្រកម្ពុជា ISF ដោយភ្ជាប់ជាអក្សរខ្មែរមួយជួរខាងក្រោម Logo គឺ “ពីកម្ពុជា ដោយ AIA”។
ទៅមើលស្ថិតិការប្រកួតខាងក្រុមម្ចាស់ផ្ទះ គ្រប់គ្រងបាល់ ៦៦ ភាគរយ ស៊ុត ២០ លើក ចំគោលដៅ ១១ លើក ខណៈក្រុមភ្ញៀវគ្រប់គ្រងបាល់បានតែ ៣៤ ភាគរយ ស៊ុត ៨ លើក ចំគោលដៅ ១ លើកគត់។
គ្រាប់បាល់បញ្ចប់ទីធ្វើបានដោយ Gareth Bale ៣ គ្រាប់ម្នាក់ឯង ឬជា Hat-Trick នៅនាទី ៣៦, ៦១ និង ៦៩ ស្របពេលដែល Son Heung-min ក៏បន្ថែមគ្រាប់បាល់ទី ៤ នៅនាទី ៧៧ ហើយរក្សាលទ្ធផលដល់បញ្ចប់ការប្រកួត៕
ទស្សនាវីដេអូខាងក្រោម៖