ប្រភពនៅអ៊ីតាលី បានអះអាងថា Cristiano Ronaldo នឹងចាកចេញពីក្រុម Juventus នៅត្រឹមចប់រដូវកាលនេះ បន្ទាប់ពីទំនាក់ទំនងរវាងរូបគេនឹងក្លឹបមិនល្អទាល់តែសោះ។
បន្ទាប់ពីក្រុម Juventus ធ្លាក់ចេញពីពានរង្វាន់ UEFA Champions League មក Ronaldo ចាប់ផ្ដើមមិនសប្បាយចិត្តជាមួយការលេងនៅទីក្រុង Turin ទៀតនោះទេ ស្របពេលមានដំណឹងជាច្រើនថាក្រុម Juventus ក៏ចង់លក់រូបគេចេញដែរ។ ការលេចឮរឿងនេះហើយ ទើបបានជាធ្វើឱ្យសាមីខ្លួនលែងសប្បាយចិត្ត ហើយទម្រង់លេងក្រុមបច្ចុប្បន្ននេះទៀតកាន់តែយ់ាប់យឺនផងដែរ។
ប្រភពនៅអ៊ីតាលី បានអះអាងថាកីឡាករវ័យ៣៦ឆ្នាំខាងលើនេះ បានប្រាប់ទៅភ្នាក់ងារទីផ្សារ Jorge Mendes ទៅហើយថារូបគេចង់ចាកចេញនៅរដូវក្ដៅនេះ។ ស្របពេលមានក្លឹបជាច្រើនចង់បានរូបគេទៅលេងឱ្យផងដែរ ក្នុងនោះមានទាំង PSG និង Man Utd ជាដើម៕ប្រភព Dailymail
