Sheikh Mansour ម្ចាស់ក្លឹប Manchester City ប្ដេជ្ញានាំក្រុមមួយនេះឱ្យឈានដល់គោលដៅក្លាយជាក្លឹបខ្លាំងជាងគេបំផុតនៅលើលោកនេះ។
លោក Sheikh Mansour បានទិញក្លឹប Man City នៅឆ្នាំ២០០៨ ដោយគ្រានោះមានតម្លៃ២៦៥លានផោនប៉ុណ្ណោះ។ រយៈពេល១០ឆ្នាំមកនេះ លោកបានចំណាយប្រាក់បន្ថែមពីលើតម្លៃទិញនេះជាច្រើនលានផោនថែមទៀត ដើម្បីធ្វើឱ្យក្រុមនេះក្លាយជាក្រុមខ្លាំង និងមានឱកាសលើកពាន Premier League ដូចពេលបច្ចុប្បន្ននេះ។ គោលដៅរបស់សេដ្ឋីខាងលើនេះ មិនត្រឹមតែចង់លើកពាននេះប៉ុណ្ណោះ ពោលគឺចង់ធ្វើឱ្យ Man City ក្លាយជាក្លឹបខ្លាំងជាងគេលើលោកនេះតែម្ដង។
“ដំណើររបស់ City មិនទាន់ដល់គោលដៅទេ។ ពួកគេបានឆ្លងកាត់រឿងជាច្រើន ទាំងកម្រិតទាប និងខ្ពស់។ City ជាគ្រប់យ៉ាងដែលខ្ញុំកំពុងសម្លឹងមើល។ វាគឺជាក្រុមយក្សមួយ ដែលកំពុងដេកលក់។ ខ្ញុំនឹងធ្វើឱ្យក្លឹបនេះក្លាយជាក្លឹបខ្លាំងជាងគេបំផុតនៅលើលោកនេះ។ វាជាគោលដៅដែលយើងត្រូវតែសម្រេចឱ្យបាន”។ សម្ដីរបស់លោក Sheikh Mansour៕ប្រភព៖ DailyMail