លោក Florentino Perez ដែលកំពុងផ្សារភ្ជាប់ទៅក្នុងផែនការណ៍បង្កើតពានថ្មី ESL ក៏ត្រូវបានគេសួរនាំផងដែរ ពាក់ព័ន្ធនឹងរឿងរ៉ាវ Cristinao Ronaldo ក្រោយលេចលឺការអាចវិលត្រលប់មកទឹកដី Bernabeu នៅរដូវក្តៅខាងមុខ។
យ៉ាងណាប្រធានក្លឹប Real Madrid ខាងលើបានបញ្ជាក់ប្រាប់សារព័ត៌មាន El Chiringuito បែបនេះ៖ “ខ្ញុំគិតគូរអំពី Cristiano ច្រើនណាស់ តែវាមិនអាចទៅរួចទេ [ការវិលត្រលប់មកវិញរបស់ CR7] ដោយគេនឹងមិនត្រលប់មកវិញទេ យ៉ាងណាខ្ញុំនៅតែស្រលាញ់ Ronaldo”។
បញ្ជាក់ថា កុងត្រារបស់កីឡាករព័រទុយហ្គាល់ជាមួយក្លឹបអ៊ីតាលី Juventus ត្រូវផុតនៅចុងខែមិថុនា ឆ្នាំ ២០២២ ហើយរយៈពេលចុងក្រោយមានដំណឹងថាគេអាចនឹងផ្ទេរមកក្លឹបធំ ៣ គឺ PSG, Man Utd និង Real Madrid នេះឯង តែការសម្រេចបែបណាមិនទាន់ច្បាស់នៅឡើយ៕
ប្រភព៖ SoccerLaduma