លោក Jurgen Klopp អ្នកចាត់ការក្រុម Liverpool បាននិយាយសុំទោស ចំពោះការហៅកីឡដ្ឋាន Estadio Alfredo Di Stefano ជាកីឡដ្ឋានសម្រាប់ហ្វឹកហាត់។
ក្រុម Liverpool នឹងត្រូវបើកកីឡដ្ឋានរបស់ខ្លួនស្វាគមន៍ក្រុមភ្ញៀវ Real Madrid នៅរាត្រីនេះ សម្រាប់ជើងទី២ពានរង្វាន់ UEFA Champions League ។ ដោយការប្រកួតនេះដែរ ក្រុមហង្សក្រហមត្រូវប្រឹងប្រែងខ្លាំង ព្រោះពួកគេបានបរាជ័យនៅជើងទី១ក្នុងលទ្ធផល ៣-១ រូចទៅហើយ។
មុនការប្រកួតចាប់ផ្ដើម លោក Klopp បានរំលឹកទៅរឿងលើកមុនដែលលោកបានហៅ Estadio Alfredo Di Stefano ជាកីឡដ្ឋានហ្វឹកហាត់។ លោកសុំទោសប្រសិនបើសម្ដីនេះ បានធ្វើឱ្យប៉ះពាល់ដល់អារម្មណ៍ ដោយលោកមិនមានចេតនាមើលងាយអ្វីនោះទេ។ អ្នកចាត់ការរូបនេះដឹងច្បាស់ថាកីឡដ្ឋាននេះ ក្រុម Real Madrid ធ្វើជាទឹកដីពេញ១រដូវកាលនេះតែម្ដង៕
ប្រភព៖ Marca