Eddie “The Underground King” Alvarez មិនត្រឹមតែជាវីរបុរសក្នុងប្រវត្តិប្រដាលគុនចម្រុះប៉ុណ្ណោះទេ ប៉ុន្តែគាត់ក៏ជាអ្នកវិនីយោគដ៏ជោគជ័យម្នាក់ដែរ។
កីឡាករនៅរដ្ឋ Philadelphia ដែលនឹងប្រកួតជាមួយ Iuri Lapicus ក្នុងជំនួបដ៏សំខាន់នៅព្រឹត្តិការណ៍ “ONE on TNT I” នាថ្ងៃពុធ ទី៧ ខែមេសា ខាងមុខនេះ បានចាប់ផ្តើមដំណើរជីវិតជាមួយនឹងគំនិតចាស់ទុំនៃការត្រៀមខ្លួនដើម្បីជីវិតជោគជ័យ បន្ទាប់ពីការប្រកួតយ៉ាងសកម្ម។
Alvarez បាននិយាយថា ៖«ចាប់តាំងពីខ្ញុំនៅកូនក្មេង ខ្ញុំតែងតែចូលចិត្តរកស៊ីក្នុងវិស័យអចលនទ្រព្យ ហើយខ្ញុំតែងតែប្រើលុយបានពីការប្រកួតទៅវិនីយោគលើអចលនទ្រព្យ។ ខ្ញុំចេះតែគិតថា ការវិនីយោគពិតជាសំខាន់ណាស់ ជាពិសេសសម្រាប់ការប្រកួត»។
«ខ្ញុំមានន័យថា យើងមានជីវិតខ្លីណាស់។ យើងត្រូវតែរៀបចំជីវិតឲ្យមានន័យ។ ឆន្ទៈ និងមហិច្ឆតាកើតមានកាន់តែច្រើនសម្រាប់ជីវិតខ្ញុំ។ វាជាអ្វីម្យ៉ាងដែលរីករាយ និងពេញចិត្តចំពោះអ្វីដែលនៅក្រៅសង្វៀន»។
គ្មានបញ្ហាទេដែ “The Underground King” អាចបង្វែរមហិច្ឆតាឆ្ពោះទៅរកជោគជ័យបានទេ។ បន្ទាប់មក កីឡាករអាមេរិកបានលះបង់ចំពោះវិស័យកីឡាដែលបានធ្វើឲ្យគាត់ឈ្នះខ្សែក្រវាត់ពិភពលោកទម្ងន់ Lightweight ជាច្រើននៅស្ទើរជុំវិញពិភពលោក។
ក្នុងវិថីដ៏វែងឆ្ងាយនេះ វាបានក្លាយជាគ្រឿងផ្សំដ៏សំខាន់ដែលនាំឲ្យគាត់ប្រឹងប្រែងខ្លាំង។ មហិច្ឆតាបានជំរុញឲ្យ Alvarez ដឹងនូវគុណសម្បត្តិដ៏ពិសេសនៅលើសង្វៀន និងអនុញ្ញាតឲ្យគាត់មានចំណេះដឹងទូលំទូលាយផ្នែកហិរញ្ញវត្ថុ។
កីឡាករអាយុ៣៧ឆ្នាំបាននិយាយថា ៖«វាពិតជាពេញលក្ខណៈសម្រាប់ការឡើងសង្វៀន។ ខ្ញុំមានវិធីសាស្ត្រក្នុងវិស័យជំនួញដូចទៅរបៀបដែលខ្ញុំឡើងប្រកួតដែរ។ ខ្ញុំចូលចិត្តក្នុងការប្រកួតប្រជែងទាំងនៅលើសង្វៀន និងក្រៅសង្វៀន។ នោះហើយដែលនឹងធ្វើឲ្យទទួលបានជ័យជម្នះ គឺមហិច្ឆតាដើម្បីឈ្នះ។ ខ្ញុំបានលះបង់ដូចគ្នាទាំងពេលវេលាសម្រាប់រៀនសូត្រទាំងវិស័យរកស៊ី និងអាជីពប្រដាល់»។
«វាមិនមែនជាផ្នែកកាយសម្បទាទេ ប៉ុន្តែជាពេលវេលា ការខិតខំប្រឹងប្រែង និងការស្រាវជ្រាវ។ ពេលវេលាមួយៗថ្ងៃពិតជាសំខាន់ណាស់ ហើយខ្ញុំជាប់ចិត្តនឹងពេលវេលាបែបនេះ»។
«ខ្ញុំមានអារម្មណ៍ចូលចិត្តធ្វើបែបនេះ ពីព្រោះខ្ញុំចង់ឈ្នះ។ ខ្ញុំចង់ឈ្នះអ្វីដែលខ្ញុំធ្វើ។ នៅពេលវាដល់ធ្វើវិនិយោគ ខ្ញុំក៏មិនខុសនឹងពេលវេលាប្រឹងដើម្បីសង្វៀនដែរ។ ខ្ញុំចូលចិត្តប្រកួតប្រជែង។ ខ្ញុំចង់ទទួលបានភាគរយធំ។ ខ្ញុំចង់ទទួលបានលទ្ធផលធំ។ ខ្ញុំចង់ផ្តួលជើងខ្លាំងគ្រប់គ្នា»។
ទំនាក់ទំនងរវាងកីឡា និងការវិនីយោគមិនទាន់បញ្ចប់ទេ។ Alvarez បន្ថែមថា ការដឹងនៅពេលប្រឈមហានិភ័យធំ និងនៅពេលប្រើប្រាជ្ញាដើម្បីដោះស្រាយ។
កីឡាករអាមេរិកបាននិយាយថា ៖«វិន័យទី១ក្នុងចំណោមវិន័យរបស់ខ្ញុំគឺមិនត្រូវបាត់បង់លុយ។ នោះក៏ជាវិន័យទីពីររបស់ខ្ញុំដែរ។ ខ្ញុំមិនអាចលាយបញ្ចូលគ្នារឿងបែបនេះបានទេ»។
«ខ្ញុំមិនចង់ឲ្យអ្នកដទៃដាក់ពងទាចូលក្នុងកន្ត្រកទាំងអស់់ ហើយនិយាយថា ខ្ញុំនឹងយកទាំងអស់ ពីព្រោះខ្ញុំចង់មានតែមួយយប់ ពីព្រោះគ្រាន់តែជាសុបិនមួយប៉ុណ្ណោះ។ វាកម្រកើតមានណាស់ ហើយគ្រប់ពេលវេលាយើងនឹងក្រត្រឹមតែមួយប់»។
ទោះជាកីឡាករនៅរដ្ឋ Philadelphia កំពុងសម្លឹងឆ្ពោះទៅរកខ្សែក្រវាត់ពិភពលោក ONE Lightweight ក៏គាត់នឹងមិនត្រូវបានកកំណត់ដោយក្បាច់គុនចម្រុះនោះដែរ។ ផ្ទុយទៅវិញ គាត់ជឿថា វាសំខាន់ដើម្បីទទួលស្គាល់ថា យើងជានរណាម្នាក់។
Alvarez និយាយថា ៖«នៅពេលវេលាដល់ទីបញ្ចប់ [អាជីពប្រដាល់] ដែលវានឹងកើតឡើងនៅថ្ងៃណាមួយ វាពិតជាសំខាន់ណាស់ដែលត្រូវដឹងថា យើងស្រឡាញ់អ្វី និងអ្វីដែលពិសេស ហើយក៏ខ្លាំងនៅក្រៅសង្វៀន»។
«ខ្ញុំគិតថា កីឡាករម្នាក់ៗគួរព្យាយាមស្គាល់ខ្លួនឯងនៅក្រៅសង្វៀនឲ្យបានច្រើនតាមអាចធ្វើទៅបាន ដូចជាថាតើ យើងជាប្តីល្អ ឪពុកល្អ ឬអ្នកជំនួញល្អ»៕