“Mini T” Danial Williams ទទួលបានឱកាសដ៏អស្ចារ្យក្នុងអាជីពប្រដាល់របស់ខ្លួន ខណៈរូបគេមិនបានគ្រោងទុកមុន តែវាបានមកដល់។
កីឡាករអូស្ត្រាលីត្រូវពាក់ស្រោមដៃគុនចម្រុះ៤អោនដើម្បីឡើងសង្វៀនប្រឈមនឹងជើងឯកមួយថៃសពិភពលោក ONE Flyweight មនុស្សដែក Rodtang “The Iron Man” Jitmuangnon នៅព្រឹត្តិការណ៍ “ONE on TNT I”ដែលនឹងផ្សាយផ្ទាល់ទៅកាន់ម៉ោងមាសរបស់សហរដ្ឋអាមេរិកនៅថ្ងៃពុធ ទី៧ ខែមេសាខាងមុខនេះ។
វាមិនគ្រាន់តែជាការបង្ហាញខ្លួនលើកដំបូងរបស់ Williams នៅសង្វៀនអន្តរជាតិប៉ុណ្ណោះទេ ប៉ុន្តែរូបគេថែមទាំងមានឱកាសជួបប្រកួតកីឡាករប្រដាល់ថៃដែលមានកេរ្តិ៍ឈ្មោះល្បីល្បាញ មុខរឹងដូចថ្ម និងជាជើងឯកពិភពលោកដែលមិនទាន់ស្គាល់ចាញ់នៅសង្វៀនអន្តរជាតិមួយនេះ ដូច្នេះវាជាឱកាសដ៏កម្រសម្រាប់រូបគេ។
យ៉ាងណា កីឡាករអូស្ត្រាលីបានចាត់ទុកដៃគូម្នាក់នេះដូចដៃគូរបស់គេមុនៗដែរ។ រូបគេមានអាវុធល្អមួយកំភ្លេ។ រូបគេល្បីខាងទាត់ទាំងក្រោម ដងខ្លួន និងក្បាល។ ប៉ុន្តែគាត់ក៏នឹងអាចប្តូរក្បាច់វ៉ៃបានដែរ នៅពេលជួបដៃគូពូកែឈរវ៉ៃ ហើយក៏ចេញកែងបានគ្រោះថ្នាក់ដែរ។
Williams បាននិយាយថា ៖«ខ្ញុំអាចមានក្បាច់ព្រៃបន្តិច តែខ្ញុំគិតថា ស្ទីលវ៉ៃលោតៗ និងជំហរប្រែប្រួលលឿនៗអាចនឹងធ្វើឲ្យការប្រកួតប្លែកដែរ។ ខ្ញុំឃើញរបៀបវ៉ៃរបស់គាត់ស្រដៀងនឹងស្ទីលរបស់ខ្ញុំដែរ ប៉ុន្តែខុសគ្នាតិចតួចប៉ុណ្ណោះ»។
«ខ្ញុំចង់វ៉ៃមុខគាត់ តែវាមិនចម្លែកខ្លាំងទេ ហើយនៅពេលយើងប្តូរ គាត់នឹងមានចន្លោះប្រហោង។ ដូច្នេះនៅពេលគាត់គិតតែវ៉ៃសម្រុកខ្លាំង ខ្ញុំនឹងវាយបកវិញ តែក៏ត្រូវប្រុងប្រយ័ត្នដែរ»។
«ខ្ញុំនឹងបញ្ឆោត ហើយបោះជើងមួយៗ ពីព្រោះខ្ញុំមិនចង់វ៉ៃជាមួយកីឡាករថៃដែលមានក្បាច់វ៉ៃដដែលៗទេ ដូច្នេះខ្ញុំនឹងប្រែប្រួលបន្តិច ហើយចេញស្នៀតដែលមិនអាចគិតទុកមុនបាន»។
Williams បានស្គាល់យ៉ាងច្បាស់ថា Rodtang មានទម្លាប់វ៉ៃដាក់សម្ពាធដៃគូខ្លាំងណាស់។ ប៉ុន្តែកីឡាករអូស្ត្រាលីដែលមានជំនាញច្បាស់លាស់ និងយុទ្ធសាស្ត្រដ៏ល្អដែលហ្វឹកហាត់នៅក្លឹប Kao Sok Muay Thai ក្នុងទីក្រុ Perth បានបដិសេធចំពោះការគ្របដណ្តប់លើរូបគេរបស់ដៃគូដែលជាជើងឯកពិភពលោក។
ការគិតថាដៃគូនឹងមិនគ្រប់ដណ្តប់លើខ្លួន ដោយសារ Williams ក៏មានបទពិសោធប្រកួតច្រើន និងជោគជ័យមិនស្ទើរដែរ ក្នុងនោះរូបគេបានឈ្នះខ្សែក្រវាត់មួយថៃពិភពលោក WMC ។
ដើម្បីទទួលបានជ័យជម្នះ ការតស៊ូ និងជំនាញកម្រិតខ្ពស់របស់គាត់បានធ្វើឲ្យរូបគេជឿថា រូបគេនឹងក្លាយជាកីឡាករម្នាក់ដែលអាចយកឈ្នះមនុស្សដែកបាន។
>Williams និយាយថា ៖«ខ្ញុំចង់ឲ្យការប្រកួតនេះបញ្ចប់ដោយសន្លប់។ វាពិតជាអស្ចារ្យដើម្បីទទួលបានឱកាសនេះ ហើយក្លាយជាមនុស្សម្នាក់ដែលអាចបញ្ឈប់គាត់បាន។ ពិតណាស់នោះជាអ្វីដែលលទ្ធផលចង់បាន»។
«នោះជាអ្វីម្យ៉ាងដែលខ្ញុំខំប្រឹងរាល់ថ្ងៃ។ នោះជាលទ្ធផលដ៏អស្ចារ្យ តែខ្ញុំមិនចង់ឮសំឡេងគឃ្លើនទេ ពីព្រោះខ្ញុំកោតសរសើសរគាត់ខ្លាំងណាស់ ហើយទីបំផុតយើងបានប៉ះគ្នា។ ខ្ញុំមិនមានអារម្មណ៍ថា គាត់មានអំណាចលើខ្ញុំទេ ហើយខ្ញុំក៏មិនខ្លាចដែរ។ នេះពិតជាធំធេងណាស់ តែខ្ញុំអត់ខ្លាចសោះឡើយ»៕