Aung La “The Burmese Python” N Sang នឹងត្រូវឡើងសង្វៀនដើម្បីការពារខ្សែក្រវាត់គុនចម្រុះពិភពលោកទម្ងន់យក្ស ONE Light Heavyweight របស់ខ្លួនទល់នឹងអ្នកឡើងដណ្តើម Vitaly Bigdashនៅព្រឹត្តិការណ៍ “ONE on TNT IV“ ថ្ងៃទី២៨ ខែមេសា។
នៅពេលដែលជើងឯកទម្ងន់ធ្ងន់ពិភពលោកនេះកំពុងខិតខំហ្វឹកហាត់ដើម្បីត្រៀមប្រកួតដែលនឹងផ្សាយនៅម៉ោងមាសទៅកាន់ទឹកដីសហរដ្ឋអាមេរិក រូបគេក៏បានស្វែងរកប្រភេទកីឡាផ្សេងដើម្បីកម្សាន្តអារម្មណ៍។
View this post on Instagram
កីឡាចោលពូថៅ ឬគប់ពូថៅបានកំពុងពេញនិយមខ្លាំងនៅរយៈពេលប៉ុន្មានឆ្នាំចុងក្រោយនេះ ហើយកីឡាករមកពីក្លឹប Sanford MMA ក៏បានសាកល្បងគប់លេងជាការលំហែអារម្មណ៍ជាមួយសិស្សសំណព្វចិត្តរបស់ខ្លួន។
Aung La N Sang មានចំណាប់អារម្មណ៍គប់លេង ប៉ុន្តែត្រូវតាមគោលដៅ ដែលការគប់ពូថៅនេះនៅពេលរូបគេបានធ្វើដំណើរទៅផ្ទះមិត្តភក្តិ។
ជើងឯកគុនចម្រុះជានិម្មិតរូបមីយ៉ាន់ម៉ាបាននិយាយថា ៖«មិត្តភក្តិរបស់ខ្ញុំរស់នៅឆ្ងាយពីខ្ញុំប្រហែលជា៥ម៉ាយល៍ប៉ុណ្ណោះ។ ផ្ទះគាត់មានទីធ្លាធំទូលាយ។ ថ្ងៃមួយ យើងបានទៅលេង ហើយនាំគ្នាគប់ពូថៅលេងយ៉ាងសប្បាយរីករាយ»។
ក្នុងនាមជាជើងឯកពិភពលោកម្នាក់ Aung La N Sang បានខិតខំហ្វឹកហាត់ជាច្រើនម៉ោងជារៀងរាល់ថ្ងៃដោយយកចិត្តទុកដាក់ និងមិនគិតពីការនឿយហត់ឡើយ។ ប៉ុន្តែតារាឆ្នើមលើលោកនេះក៏ត្រូវការពេលវេលាខ្លះដើម្បីបន្ធូរបន្ថយអារម្មណ៍ដែរ។
កីឡាករប្រាប់ថា ៖«វាជាអ្វីម្យ៉ាងដែលសប្បាយរីករាយ ក្រៅពីការហ្វឹកហាត់ជារៀងរាល់ថ្ងៃ ពីព្រោះហាត់ ញាំ ដេក ក្រោកពីដេក ហាត់ ញាំ ដេក ដដែលៗ។ អីចឹងហើយបានជាទៅលេងគប់ពូថៅ ដែលពិតជាធូរសស្រាលអារម្មណ៍ ហើយសប្បាយម្យ៉ាងដែរ»។
View this post on Instagram
ទោះជាតារាប្រដាល់មីយ៉ាន់ម៉ាគប់ពូថៅមើលទៅហាក់ដូចគ្រាន់តែជាសកម្មភាពសប្បាយរីករាយ ប៉ុន្តែតាមពិតវាក៏ជាផ្នែកមួយដែលប្រយោជន៍ដែរដល់គុនចម្រុះ។
Aung La N Sang បាននិយាយថា ៖«មានគោលដៅល្អ។ គប់ឲ្យចំគោលដៅ ហើយវាពិតជាត្រូវមែន។ ការគប់ឲ្យចំគោលដៅ យើងត្រូវចេះកាន់ដងពូថៅឲ្យចំតាមបច្ចេកទេស។ នៅពេលយើងវាយអ្វីមួយ អត់ប៉ះនឹងកំភួនដៃទេ។ គឺប៉ះនឹងកែងដៃ»។
ភាពតាន់តឹងច្បាស់ជាកើតមាននៅពេលជើងឯកទម្ងន់ធ្ងន់កម្រិតស្រាល ONE Light Heavyweight ត្រូវមានភារកិច្ចធ្ងន់ដើម្បីការពារខ្សែក្រវាត់របស់ខ្លួននាចុងខែមេសាខាងមុខនេះនៅ TNT។
សម្រាប់ការប្រកួតខាងមុខនេះ Aung La N Sang បាននិយាយថា ៖«ខ្ញុំអត់ច្បាស់ថា Vitaly ល្អកម្រិតណាទេ ប៉ុន្តែខ្ញុំគិតថា គាត់មិនទាន់អនុវត្តនៅលើសង្វៀនច្រើនទេ ដូច្នេះខ្ញុំនឹងឈ្នះការប្រកួតនេះ»៕