ONE Championship នឹងបញ្ចប់ព្រឹត្តិការណ៍ជាស៊េរី ONE: FISTS OF FURY III នាចុងសប្ដាហ៍នេះ។
គូប្រកួតទាំង ៦ គូមានការប្រកួត ONE Super Series និងគុនចម្រុះ ដែលនឹងធ្វើឲ្យអ្នកគាំទ្រសប្បាយរីករាយនាថ្ងៃសុក្រទី ១៩ ខែមីនា ឆ្នាំ២០២១ នេះ។
ជាមួយគ្នានោះ ក៏មានគូដណ្ដើមខ្សែក្រវាត់ឃីកបុកសីង ផងដែរ។ នេះជាហេតុផលចំនួន ៥ មិនគួររំលងពីព្រឹត្តិការណ៍នៅ Singapore Indoor Stadium។
#1 គូប្រកួតឃីកបុកសីងក្នុងនាមជាគូឯក
ម្ចាស់ខ្សែក្រវាត់ ONE Lightweight Kickboxing World Champion កីឡាករ Regian “The Immortal” Eersel នឹងឡើងការពារខ្សែក្រវាត់ទល់គូប្រជែងដ៏គ្រោះថ្នាក់។
កូនកាត់ហូឡង់-សូរីណាម មិនទាន់ចាញ់នៅសង្វៀន ONE ពោលឈ្នះ ៤-០ ក្នុងនោះឈ្នះពីរលើកជាប់គ្នាក្នុងការប្រកួតខ្សែក្រវាត់។ ពេលនេះ គេនឹងសប្បាយរីករាយពេលឃើញម្ចាស់ខ្សែក្រវាត់ជាថ្មី។ Eersel ជាងអ្នកប្រយុទ្ធមិនដកថយក្នុងការប្រកួត ៥ ទឹកពេញ។
យ៉ាងណាក្ដី Mustapha “Dynamite” Haida ជឿថាគេមានថាមពលគ្រប់គ្រាន់ដើម្បីធ្វើឲ្យ “The Immortal” ខកចិត្តក្នុងជំនួបនេះ។
“Dynamite” ចង់សម្រេចសុបិនរបស់ខ្លួនដែលចង់ក្លាយជាជើងឯក ONE World Champion ប៉ុន្តែ Eersel ស្រេកឃ្លាននៅកម្រិតកំពូលបន្ថែមទៀតដែរ។ អ្នកទាំងពីរនឹងធ្វើឲ្យអស់ពីចិត្តនៅលើសង្វៀន។
#2 តារាមួយថៃកម្រិតកំពូលប៉ះគ្នា
កីឡាការិនីមួយថៃទម្ងន់ atomweight ពោល Janet “JT” Todd ត្រូវជួប Alma Juniku ដែលត្រូវកំណត់ថា នរណាអាចទៅជួបម្ចាស់ខ្សែក្រវាត់ Allycia Hellen Rodrigues នាពេលខាងមុខ។
Todd ដែលស្ថិតនៅចំណាត់ថ្នាក់លេខ២ កំពុងកាន់ខ្សែក្រវាត់ ONE Atomweight Kickboxing World Championship ហើយគោលដៅរបស់គេ គឺ កាន់ខ្សែក្រវាត់ពីរនៅសង្វៀនលំដាប់ពិភពលោកនេះ។
កីឡាការិនីអាមេរិកបានយកឈ្នះ ៤ លើកជាប់គ្នាតាំងពីផ្ដួល Stamp Fairtex ដើម្បីគ្រងខ្សែក្រវាត់កាលខែ កុម្ភៈ ឆ្នាំ ២០១៩ មក។ ការប្រកួតរបស់គេកាន់តែល្អឡើងៗ។
Juniku ជាកីឡាការិនីប្រកួតល្អក្នុងរយៈ ពេល៥ទឹកនាពេលកន្លងមក តាមរយៈឡើងដណ្ដើមខ្សែក្រវាត់មួយថៃ ONE Atomweight កន្លងមក។ គេកំពុងដាក់ផែនការធ្វើឲ្យល្អទល់នឹង Todd។
តើកីឡាការិនីលំដាប់ទី ៤ ធ្វើបានល្អកម្រិតណាពេលប៉ះ “JT”?
#3 អ្នកជំនាញចំបាប់ទម្ងន់ Strawweight
Alex “Little Rock” Silva ជាកីឡាករប្រកបដោយគ្រោះថ្នាក់បើប្រកួតក្នុងជំហរដេក ប៉ុន្តែ Hiroba Minowa ចង់ប្រាប់ថា គេជាកីឡាករល្អបំផុតម្នាក់។
ចំណែកតារាជប៉ុនមិនធម្មតាពេលគេបង្ហាញខ្លួនដំបូងយកឈ្នះ Lito “Thunder Kid” Adiwang នៅសង្វៀន ONE: INSIDE THE MATRIX III កាលខែ វិច្ឆិកា ប៉ុន្តែ គេមិនទាន់ភ្លក់កីឡាករល្អនៅឡើយ។
Silva ជាអតីតម្ចាស់ខ្សែក្រវាត់ ONE Strawweight World Champion ដែលកំពុងបន្តដំណើរឆ្ពោះទៅរកខ្សែក្រវាត់ពី Joshua “The Passion” Pacio ជាថ្មី។
បើសិន Minowa អាចឈ្នះកីឡាករប្រេស៊ីល តារាវ័យ ២១ ឆ្នាំនឹងកើនចំណាត់ថ្នាក់នៅទម្ងន់ strawweight។
#4 កីឡាការិនីមកពីក្លិប Evolve Vs. ក្លិប Team Lakay
នេះជាជំនួបរវាងក្លិបគូប្រជែង Evolve នៅសិង្ហបុរី ហើយ Team Lakay នៅហ្វីលីពីន ពោល Maira Mazar ប៉ះ Jenelyn Olsim ក្នុងទម្ងន់ strawweight ក្នុងពិភពគុនចម្រុះ។
Mazar របស់ក្លិប Evolve កំពុងឡើងកូដពេលបញ្ចប់ Choi Jeong Yun នៅសង្វៀន ONE: INSIDE THE MATRIX IV កាលខែ វិច្ឆិកា។ ពេលនេះ គេចង់បន្តជ័យជម្នះបន្ថែមទល់នឹងគូប្រជែងលំដាប់ទី ៥ បន្តទៀត។
Mazar ដែលហ្វឹកហាត់នៅសិង្ហបុរី ជាជើងឯក Pan American Sanda Champion ហើយសង្ឃឹមថាដាក់សម្ពាធយកឈ្នះ Olsim នាយប់ថ្ងៃសុក្រនេះ។
យ៉ាងណាក្ដី ជើងឯក Philippines National Muay Thai Champion មកពីក្លិប Team Lakay ក៏កំពុងតាំងស្មារតីខ្លាំងក្លាដើម្បីយកជ័យដែរ។
Olsim ទើបឡើងមកពីសង្វៀន Rich Franklin’s ONE Warrior Series។ គេរំពឹងថារះឡើងនៅសង្វៀនលំដាប់ពិភពលោក ហើយការឈ្នះទល់នឹង Mazar ជារឿងដ៏ល្អបំផុតមួយ។
#5 Yodkaikaew និង Mainam ស្វែងរកកំណត់ត្រាល្អ
Yodkaikaew “Y2K” Fairtex កំពុងតាំងចិត្តមិនចុះចាញ់នៅសង្វៀនលំដាប់ពិភពលោក។
តាំងពីប្ដូរពីមួយថៃ ទៅគុនចម្រុះ គេបានទទួលជ័យជម្នះចំនួន ៣ លើករួមទាំង ជ័យជម្នះល្អបំផុតទល់នឹង Tatsumitsu “The Sweeper” Wada នៅ ONE: COLLISION COURSE កាលខែធ្នូ។
នៅថ្ងៃសុក្រនេះ ជ័យជម្នះទល់នឹង “Wolf Warrior” Hu Long អាចនាំឲ្យរូបគេកាន់រះឡើងមិនខាន។
ជើងឯក Indian Wrestling Champion កីឡាករ Roshan Mainam ក៏មិនទាន់ចាញ់នៅសង្វៀន ONE ក្នុងនោះឈ្នះដោយបញ្ចប់គូប្រកួតពីរលើកជាប់គ្នាក្នុងទម្ងន់ flyweight។
យ៉ាងណាក្ដី Aziz “The Krauser” Calim មិនចង់រងបរាជ័យទល់នឹងកូនសិស្សមកពីក្លិប Evolve នោះឡើយ។ គេអាចនឹងកើនប្រជាប្រិយបើសិនផ្ដួល Mainam ឲ្យសន្លប់នៅសិង្ហបុរី។
តើ Hu និង Calim ជាតារាទើបរះ ឬ “Y2K” និង Mainam នៅតែអាចកាន់តំណែងល្អបាន?