Alphonse Areola អ្នកចាំទីដែលមានឪពុកម្ដាយជាជនជាតិហ្វីលីពីន នឹងបានឱកាសចូលលេងឱ្យក្រុម PSG នៅម៉ោង១០យប់នេះ ទល់ក្រុម Angers ។
លោក Thomas Tuchel អ្នកចាត់ការក្រុម PSG បានបញ្ជាក់ថា លោកនឹងផ្ដល់ឱកាស ឱ្យ Alphonse លេង២ប្រកួតខាងមុខនេះ ដើម្បីឱ្យរូបគេមានអារម្មណ៍និងបង្ហាញសមត្ថភាព។ ខណៈដែល Buffon វិញ ក៏បានយល់ស្របនឹងព្រមចំពោះការអង្គុយកៅអីបម្រុងនេះផងដែរ។
អ្នកចាត់ការ Thomas បាននិយាយទៀតថា៖ “Alphonse គាត់ខានលេងយូរហើយ ដូច្នេះ២ប្រកួតទល់ក្រុម Angers និង Nimes គឺជាឱកាសរបស់គាត់។ ក្រោយពី២ប្រកួតនេះទៅ យើងនឹងសម្រេចម្ដងទៀត។ ខ្ញុំមិនចូលចិត្តការសម្រេចរយៈពេលយូរទេ យើងតែងតែមានការផ្លាស់ប្ដូរជានិច្ច”។
អ្នកចាំទីវ័យ២៥ឆ្នាំខាងលើនេះ លេងឱ្យក្រុម PSG តាំងពីឆ្នាំ២០១២មកម្ល៉េះ ព្រោះរូបគេជាថ្នាលយុវជនរបស់ក្លឹប។ យ៉ាងណាមិញ ៦ឆ្នាំមកនេះ រូបគេលេងបានតែ៥០ប្រកួតទេ ព្រោះត្រូវក្លឹបឱ្យក្លឹបដទៃខ្ចីជើងជានិច្ច៕
ប្រភព៖ dailymail
