នៅវេលាម៉ោង ១០:១៥ នាទីយប់ថ្ងៃអាទិត្យនេះ លើទំព័រ CTS Sports នឹងមានការផ្សាយផ្ទាល់នៅជំនួបដ៏កក្រើកមួយប្រចាំក្របខ័ណ្ឌ La Liga នោះគឺការជួបគ្នារវាងក្រុម Atletico Madrid និង Real Madrid។
ការប្រកួតក្នុងទឹកដី Wanda Metropolitano រាត្រីនេះ តើអ្នកគិតថាអាចនឹងកើតមានលទ្ធផលបែបណាដែរ? ក្នុងអត្ថបទនេះ CTS Sports នឹងធ្វើការវិភាគនូវស្ថិតិ បង្ហាញសមាសភាពកីឡាករ និងការទស្សន៍ទាយគ្រាប់បាល់ដូចខាងក្រោម៖
At Madrid ជាក្រុមកំពុងឈរលេខ ១ នៅ La Liga មាន ៥៨ ពិន្ទុ (ជុំទី ២៤) នៅ ៥ ប្រកួតចុងក្រោយធ្វើមិនសូវបានល្អ ដោយឈ្នះ ២ ស្មើ ២ ចាញ់ ១ ហើយ Real Madrid ជាក្រុមឈរលេខ ៣ មាន ៥៣ ពិន្ទុ (ជុំទី ២៥) នៅ ៥ ប្រកួតចុងក្រោយធ្វើបានល្អគួរឲ្យកត់សម្គាល់ដោយឈ្នះ ៤ ស្មើ ១។
ក្រុមទាំងពីរធ្លាប់ប៉ះគ្នា ២០៨ លើក ក្នុងនោះ Real ឈ្នះ ១០៥ លើក ស្មើ ៥០ លើក ចាញ់ ៥៣ លើក។ លើកចុងក្រោយនៅក្របខ័ណ្ឌ La Liga ដែលប្រកួតជើងទី ១ រដូវកាលនេះ Real យកឈ្នះ ២-០ ក្នុងទឹកដី។ បញ្ជាក់ថាសម្រាប់ At Madrid គឺពួកគេខកខានឈ្នះ ៩ លើកជាប់គ្នាហើយពេលជួប Real នៅ La Liga ដោយទទួលបានលទ្ធផលចាញ់ ៥ ស្មើ ៤ ហើយការរកគ្រាប់បាល់គឺពិបាកនឹងកើតឡើងបំផុតពោល At ខកខានរកបាននៅ ៣ ប្រកួតចុងក្រោយ ចាប់តាំងពីគ្រាប់បាល់ចុងក្រោយដែល Antoine Griezmann ធ្វើបាននៅខែកុម្ភៈ ឆ្នាំ ២០១៩។
មកមើល Real Madrid ឯណេះវិញ ការលេងក្រៅដី ៣ ប្រកួតចុងក្រោយនៅ La Liga គឺពួកគេមិនទាន់ស្គាល់ពាក្យថាចាញ់នោះទេ ហើយរាត្រីនេះប្រសិនឈ្នះនោះនឹងតាមស្មើកំណត់ត្រាចាស់ដែលក្រុមធ្លាប់ធ្វើបានកាលពីខែកក្កដា ឆ្នាំ ២០២០ គឺការឈ្នះ ៤ ប្រកួតជាប់គ្នានៅក្រៅដី។
រីឯសមាសភាពកីឡាករនៃក្រុមទាំង ២ អាចនឹងកើតឡើងមានដូចខាងក្រោម៖
Atletico Madrid: Oblak; Savic, Felipe, Hermoso; Trippier, Llorente, Koke, Saul, Carrasco; Felix, Suarez
Real Madrid: Courtois; Vazquez, Nacho, Varane, Mendy; Modric, Casemiro, Kroos, Valverde; Benzema, Vinicius
ហេតុផលនេះហើយនៅការប្រកួតរាត្រីនេះ គឺភាគរយតិចណាស់ដែល Real នឹងទទួលរងបរាជ័យ ប៉ុន្តែដោយសារសមាសភាពកីឡាកររបស់ក្រុមអវត្តមានខ្សែការពារសំខាន់ Sergio Ramos និងកីឡាករនៅតំណែងប្រយុទ្ធ Eden Hazard នាំឲ្យយើងទស្សន៍ទាយថាក្រុមអាចត្រឹមស្មើ ១-១ ទល់ Real Madrid៕