ក្រុម Bayern Munich បានយកឈ្នះលើក្រុម Dortmund ក្នុងលទ្ធផល ៤-២ សម្រាប់ការប្រកួតពានរង្វាន់លីគកំពូលអាល្លឺម៉ង់នៅយប់មិញនេះ។
សម្រាប់ការប្រកួតនេះដែរ គ្រាន់តែកែបាល់ភ្លាម Haaland ស៊ុត២គ្រាប់មុនឱ្យក្រុម Dortmund ទៅហើយ នៅនាទី២ និង៩។ យ៉ាងណាមិញ ក្រោយពីត្រូវក្រុមភ្ញៀវនាំមុខដល់ទៅ២គ្រាប់នេះហើយ ក្រុមម្ចាស់ផ្ទះ Bayern ក៏ព្យាយាមសម្រុករហូតរកបាន២គ្រាប់វិញមុនចប់តង់ទី១ ដោយ Lewandowski នៅនាទី២៦ និង៤៤។ ឈានចូលតង់ទី២ ក្រុមម្ចាស់ផ្ទះក៏បន្ដដាក់បន្ទុកទៀតរហូតរកបាន២គ្រាប់បន្ថែមដោយ Goretzka នៅនាទី៨៨ និង Lewandowski នៅនាទី៩០ ដែលជាគ្រាប់បាល់ទី៣របស់ខ្លួនក្នុងការប្រកួតនេះ។
យកឈ្នះលើក្រុម Dortmund ក្នុងលទ្ធផល ៤-២ នេះធ្វើឱ្យក្រុម Bayern Munich បន្ដឈរនៅកំពូលតារាងដដែល ដោយមាន៥៥ពិន្ទុ ស្របពេលក្រុមលេខ២ RB Leipzig វិញមាន៥៣ពិន្ទុ។ ងាកទៅមើលក្រុម Dortmund ឯណោះ កំពុងនៅលេខ៦ក្នុងតារាង មានត្រឹម៣៩ពិន្ទុប៉ុណ្ណោះ៕
ប្រភព៖ DailyMail