• Henry ​ចាប់​អាជីព​ជា​អ្នក​ដឹក​នាំ​ហើយ ​ដោយ​កាន់​ក្លឹប ​Bordeaux ​របស់​បារាំង

    Thierry Henry ​បាន​ចាប់​ផ្ដើម​អាជីព​ជា​អ្នក​ចាត់ការ​ក្រុម​ហើយ ​ដោយ​កាន់​តំណែង​នៅ​ក្លឹប Bordeaux ​ដែល​កំពុង​លេង​នៅ​​លីគ​កំពូល​របស់​បារាំង។

    Bordeaux ​ធ្វើ​មិន​បាន​ល្អ​ឡើយ​សម្រាប់​ការ​បើក​រដូវ​កាល​ថ្មី​នេះ ​ដោយ​ឆ្លង​កាត់​២​ប្រកួត ​ចាញ់​ទាំង​២​ប្រកួត។ ដូច្នេះ​ហើយ ​បាន​ជា​ក្លឹប​នេះ​សម្រេច​តែងតាំង Henry ​មក​ដឹក​នាំ​ក្រុម​វិញ​ម្ដង ​ក្រោយ​ការ​ចែក​ផ្លូវ​គ្នា​ជាមួយ​អ្នក​ចាត់ការ​ Gus Poyet ​ដែល​មាន​ជម្លោះ​ជាមួយ​ថ្នាក់​ដឹក​នាំ​ក្រុម​ផ្ទាល់​តែ​ម្ដង ​រឿង​ទិញ​ដូរ​កីឡាករ។ ជម្លោះ​រវាង​អ្នក​ចាត់ការ​សញ្ជាតិ​អាហ្សង់ទីន ​និង​ក្លឹប​នេះ ​កើត​ឡើង​ក្រោយ​ពី​ក្លឹប​សម្រេច​លក់​ខ្សែ​ប្រយុទ្ធ​ Gaetan Laborde ​ឱ្យ​ទៅ​ក្លឹប ​Montpellier ​ក្នុង​តម្លៃ​ខ្លួន ៤,៥​លាន​ផោន។

    Henry ​វីរបុរស​របស់​ក្រុម Arsenal ​ក្រោយ​ពី​ចូល​និវត្ត​ពី​កីឡាករ​បាល់ទាត់​ទៅ ​លោក​បាន​ចាប់​ផ្ដើម​ការងារ​ជា​គ្រូ​បង្វឹក​នេះ ជាមួយ​ក្រុម​ជម្រើស​ជាតិ​បែលហ្សិក ​តាំង​ពី​ឆ្នាំ​២០១៦ ​ក្នុង​នាម​ជា​គ្រូ​ជំនួយ​របស់​លោក Roberto Martinez។ បុរស​ម្នាក់​នេះ ​ក៏​បាន​រួម​ចំណែក​ដឹក​នាំ​ក្រុម​បែលហ្សិក​នេះ ​បាន​ឡើង​ដល់​វគ្គ​ពាក់​កណ្ដាល​ផ្ដាច់ព្រ័ត្រ World Cup 2018 ​ដោយ​ទទួល​បាន​ចំណាត់​ថ្នាក់​លេខ​៣​ផង​ដែរ៕ប្រភព៖ dailymail

     

     

     

     

     

    ភ្ជាប់ទំនាក់ទំនងជាមួយ CTS SPORT