ក្រុម Granada របស់អេស្ប៉ាញ បានទម្លាក់ជើងខ្លាំងអ៊ីតាលី Napoli បានទៅហើយ ក្រោយពីយកឈ្នះក្នុងលទ្ធផល ៣-២ គិតទាំងពីរជើងមកក្នុងពាន Europa League ។
នៅជើងទី១កន្លងទៅ ក្រុម Granada បានយកឈ្នះលើក្រុម Napoli នេះ បានក្នុងលទ្ធផល ២-០ទៅហើយ ដែលធ្វើឱ្យពួកគេកាន់តែមានសង្ឃឹមច្រើនទៀតសម្រាប់ប្រកួតជើងទី២នៅយប់មិញ។ ការប្រកួតបានឈានមកដល់នៅជើងទី២ បើទោះជា Napoli អាចយកឈ្នះក្នុងលទ្ធផល ២-១ បានមែន ប៉ុន្តែយោងតាមចំនួនគ្រាប់ គឺក្រុម Granada ឯណោះទេ ដែលជាអ្នកអាចឡើងទៅវគ្គបន្ដបាន។
វាជារឿងគួរឱ្យភ្ញាក់ផ្អើលមួយសម្រាប់អ្នកគាំទ្រ ដែលក្រុមកម្រិត Napoli របស់អ៊ីតាលីទៅហើយនោះ បែរជាមកធ្លាក់ក្រោមថ្វីជើងក្រុម Granada ទៅវិញ៕
ប្រភព៖ Marca