ក្រុម Manchester City ធ្វើបានល្អមែនទែនសម្រាប់ការប្រកួត UEFA Champions League ជើងទី១វគ្គ១៦ក្រុមចុងក្រោយនៅយប់មិញ ដោយយកឈ្នះលើក្រុម Monchengladbach ក្នុងលទ្ធផល ២-០។
២គ្រាប់របស់ក្រុម Man City នៅយប់មិញនេះ កើតឡើងដោយ Bernardo Silva និង Gabriel Jesus ។ ជ័យជម្នះជើងទី១ ហើយបិទដៃគូមិនឱ្យស៊ុតចូលនេះ បានធ្វើឱ្យក្រុមរបស់លោក Pep កាន់តែមានសង្ឃឹមច្រើនសម្រាប់ឡើងទៅវគ្គ៨ក្រុមចុងក្រោយហើយ។ ស្របពេលបច្ចុប្បន្ននេះ សមាជិកក្រុមក៏កំពុងលេងត្រូវគ្នា និងធ្វើបានល្អផងដែរ។
ក្រុមរបស់លោក Pep កំពុងកាន់កំណត់ត្រាឈ្នះ១៩ប្រកួតជាប់គ្នាមកហើយ។ ការចាញ់ចុងក្រោយរបស់ពួកគេគឺនៅចុងឆ្នាំ២០២០កន្លងទៅឯណោះ។ ដោយឡែកបើងាកទៅមើលនៅក្របខណ្ឌ Premier League វិញ ក្រុមនេះក៏ឈរនៅកំពូលតារាងដាច់១០ពិន្ទុពីក្រុមលេខ២ Man Utd ផងដែរ៕
ប្រភព៖ DailyMail