ក្លឹប Real Madrid នឹងបើកការប្រកួតលើកទី ១០០ របស់ខ្លួន សម្រាប់វគ្គ Knockout នៅព្រឹត្តិការណ៍ Champions League នារាត្រីនេះ។ វគ្គ Knockout ជាវគ្គដែលរាប់ចាប់ពីវគ្គ ១៦ ក្រុមឡើងមក។
យប់នេះ Real Madrid ត្រូវប៉ះ Atalanta នាវេលាម៉ោង ០៣:០០ នាទីព្រឹក មានផ្សាយផ្ទាល់នៅលើទំព័រ CTS Sports។ Real គឺជាក្លឹបទីមួយក្នុងប្រវត្តិសាស្ត្រដែលឈានមកដល់តួលេខមួយនេះ ហើយលទ្ធផលនៅប្រកួតនោះដែរក៏កាន់តែធ្វើឲ្យអ្នកគាំទ្រចង់ដឹង ទាំងដែលក្រុមពេលនេះកំពុងមានបញ្ហាកីឡាកររបួសច្រើន ជាពិសេសគឺអវត្តមានខ្សែប្រយុទ្ធឆ្នើម Karim Benzema ផ្ទាល់តែម្តង។
បញ្ជាក់ដែរថាបន្ទាប់ពី Real Madrid គឺក្រុមពីរផ្សេងទៀតដែលស្ថិតនៅពីក្រោយនោះ មានដូចជា Bayern Muich ៩៦ ប្រកួត និង Barcelona ៩៥ ប្រកួត។
នៅ ២ រដូវកាលចុងក្រោយ Real ពុំបានឆ្លងផុតវគ្គ ១៦ ក្រុមចុងក្រោយឡើយ ដោយរដូវកាលមុនចាញ់ Man City ហើយរដូវកាលមុនមួយទៀតនោះចាញ់ Ajax៕ ប្រភព៖ BeSoccer