លោក Ronald Koeman បានដឹកនាំក្រុម FC Barcelona បានកន្លះឆ្នាំមកហើយ ដោយឃើញថាផលអវិជ្ជមានហាក់ដូចជាមានច្រើនជាងវិជ្ជមានទៅទៀត។
ក្រុម Barcelona បានតែងតាំងលោក Koeman មកដឹកនាំក្រុមកាលពីដើមរដូវកាលនេះ ក្រោយពីមើលឃើញថាអតីតកីឡាកររបស់ខ្លួនឯងម្នាក់នេះទំនងជាជោគជ័យនៅពេលមកដឹកនាំក្រុមមិនខាន។ តែជាក់ស្ដែង វាមិនដូចការរំពឹងទុកនៅឡើយទេ។ លោក បានដឹកនាំក្រុមអ្នកមានបុណ្យធ្លាក់ចេញពីពានរង្វាន់ Supercopa ហើយនិងចាញ់ពិន្ទុក្រុម AT Madrid ច្រើនពិន្ទុនៅ La Liga ថែមទៀត។ មិនតែប៉ុណ្ណោះនៅពាន Champions League វិញ ក៏ទើបតែចាញ់ជើងទី១ ទល់ក្រុម PSG ក្នុងលទ្ធផល ៤-១ ផងដែរ។
ចំពោះការដឹកនាំក្រុមនេះដែរ សាមីខ្លួន Koeman ក៏បានអះអាងដែរថាខ្លួនមិនជោគជ័យច្រើនទេនាពេលកន្លះឆ្នាំមកនេះ។ ដោយទទួលបានផលអវិជ្ជមានច្រើនជាងវិជ្ជមានទៅទៀត៕ប្រភព Marca