Rivaldo អតីតកីឡាករ FC Barcelona បានអះអាងថាខ្សែប្រយុទ្ធ Lionel Messi នឹងទៅចូលរួមជាមួយក្រុម PSG មិនខាននាពេលខាងមុខនេះ។
PSG បានទៅប្រកួតជាមួយក្រុម FC Barcelona នៅទឹកដី Camp Nou នឹងទទួលបានជ័យជម្នះដល់ទៅ ៤-១ ឯណោះក្នុងការប្រកួតជើងទី១ពានរង្វាន់ UEFA Champions League ។ បរាជ័យក្នុងដីដ៏ធ្ងន់នេះហើយ ទើបមានមតិជាច្រើនយល់ថានេះជាជាប្រកួតចុងក្រោយរបស់ Messi លេងនៅ UCL ឱ្យក្រុម Barcelona នៅ Camp Nou ហើយ ព្រោះដំណឹងនៃការចាកចេញរបស់គេក៏កើតមានឡើងមិនឈប់ដែរ។
ចំពោះរឿងនេះ Rivaldo បាននិយាយថា៖ “ចាញ់ធ្ងន់កក្រោមថ្វីជើង PSG អាចនឹងជាប្រកួតចុងក្រោយរបស់ Messi ក្នុងពាន UCL នៅទឹកដី Camp Nou ហើយ។ Barcelona មិនអាចផ្ដល់ឱ្យ Messi សម្រាប់ការប្រកួតប្រជែងខ្ពស់ក្នុងពានរង្វាន់ធំទេ។ អនាគតរបស់គេគឺនៅ PSG ។ រូបគេនឹងទៅចូលរួមជាមួយក្លឹបយក្សបារាំងនេះមិនខាន”៕
ប្រភព៖ Marca