ខ្សែប្រយុទ្ធ Son Heung-min បាននិយាយថាខ្លួនសប្បាយចិត្តក្នុងការចាប់ដៃគូប្រយុទ្ធជាមួយ Gareth Bale នៅតំបន់ខាងលើក្នុងការប្រកួតនៅយប់មិញនេះ។
ក្រុម Spurs បានយកឈ្នះលើក្រុម Wolfsberger AC ក្នុងលទ្ធផល ៤-១ សម្រាប់ការប្រកួតជើងទី១ពានរង្វាន់ Europa League កាលពីយប់មិញនេះ។ ដោយក្នុងការប្រកួតនោះ Son និង Bale រកបានម្នាក់មួយគ្រាប់ផងដែរ។ គេសង្កេតឃើញថាទម្រង់លេងរបស់ Spurs ក្នុងពានរង្វាន់ខាងលើនេះ ហាក់ដូចជាល្អប្រសើរ បន្ទាប់ពី Son លេងតំបន់របស់ Kane ។
ក្រោយពីចប់ការប្រកួតខ្សែប្រយុទ្ធកូរ៉េខាងត្បូងបាននិយាយថា៖ “ខ្ញុំពិតជាស្និទ្ធស្នាលជាមួយគាត់ណាស់។ ខ្ញុំសប្បាយចិត្តក្នុងការចាប់ដៃគូជាមួយគាត់ក្នុងការប្រកួត និងរកគ្រាប់បាល់ជាមួយគ្នាបាន។ ខ្ញុំពិតជាសប្បាយចិត្តក្នុងការចាប់ដៃគូប្រយុទ្ធជាមួយគ្នា”៕
ប្រភព៖ Goal