អាជ្ញាកណ្តាលសញ្ជាតិហូឡង់លោក Bjorn Kuipers បានសម្រេចឲ្យឈរឈ្មោះក្នុងការប្រកួតរវាងក្លឹប Barcelona និង PSG ដែលជាជំនួបមរណៈនៅវគ្គ ១៦ ក្រុមចុងក្រោយ Champions League។
ការប្រកួតជើងទី ១ ធ្វើឡើងនៅឯកីឡដ្ឋាន Camp Nou នាថ្ងៃពុធ ទី ១៧ ហើយលោក Kuipers ជាអាជ្ញាកណ្តាលធំ អមដោយជំនួយការលោក Sander van Roekel និង Erwin Zeinstra ហើយអាជ្ញាកណ្តាលទី ៤ គឺលោក Serder Gozubuyuk និងអាជ្ញាកណ្តាល Pol van Boekel ក៏ដូចជា Dennis Higler ទទួលបន្ទុកលើផ្នែក VAR។
បញ្ជាក់ថា Kuipers លោកក៏ធ្លាប់ធ្វើជាអាជ្ញាកណ្តាលនៅការប្រកួតរវាង Barcelona-PSG កាលពីជើងទី ២ វគ្គ ៨ ក្រុមចុងក្រោយនៅរដូវកាល ២០១២/១៣ ផងដែរ កាលនោះ Barcelona ឈ្នះដោយគ្រាប់បាល់ចំណេញក្រៅដី។
ដោយឡែកកាលពីរដូវកាល ២០១៨/១៩ កន្លងទៅ គ្រាដែល Barcelona យកឈ្នះ ៣-០ ទៅលើ Liverpool នៅជើងទី ១ នោះជាលើកចុងក្រោយដែលលោកឈរជើងនៅទឹកដី Camp Nou។
រីឯអាជ្ញាកណ្តាលជំនួប Liverpool-RB Leipzig គឺលោក Slavko Vincic អមដោយជំនួយការលោក Toma Klancnik និង Andrea Kovacic ហើយអាជ្ញាកណ្តាលទី ៤ គឺលោក Matej Jug៕ ប្រភព៖ AF