តាមការបញ្ជាក់ពីអតីតជើងចាស់លោក Mark Hughes បាននិយាយថា ក្លឹបបិសាចក្រហម Manchester United គួរតែចរចាតាមលទ្ធភាពអាចធ្វើទៅបាន ក្នុងការរក្សាទុក Edinson Cavani ឲ្យឈរជើងហួសពីរដូវកាល ២០២០/២១ នេះ។
ខ្សែប្រយុទ្ធសញ្ជាតិអ៊ុយរុយហ្គាយគេបានផ្ទេរមកចូលរួមជាមួយម្ចាស់ដី Old Trafford នាមកីឡាករឥតតម្លៃខ្លួន លើសុពលភាពកុងត្រាដល់ចុងខែមិថុនា ឆ្នាំ ២០២១។
សព្វថ្ងៃគេកំពុងក្លាយជាខ្សែប្រយុទ្ធសកម្មការរកគ្រាប់បាល់ដែលរកបាន ៧ គ្រាប់និង Assist ២ លើកឲ្យ United ហើយនេះភាគច្រើនបង្ហាញខ្លួននាមជាកីឡាករបម្រុងផង។
ប្រាប់សារព័ត៌មាន TalkSport លោក Mark Hughes និយាយ៖ “គេ [Cavani] មានឥទ្ធិពលធំណាស់ ហើយប្រសិនឲ្យខ្ញុំសម្រេចចិត្ត នោះខ្ញុំនឹងចុះហត្ថលេខាបន្តកុងត្រាឲ្យគេទៅមុខទៀត ព្រោះគេជាកីឡាករលេចធ្លោមួយរូបប្រចាំក្លឹប”៕
ប្រភព៖ Goal