លោក Ole Gunnar Solskjaer បានអះអាងថាក្រុមបិសាចក្រហម Manchester United មិនមែនជាក្រុមប្រជែងពានរង្វាន់ជាមួយក្រុម Manchester City នោះទេ។
ក្រុមបិសាចក្រហម លេងបានត្រឹមស្មើជាមួយក្រុម Everton ប៉ុណ្ណោះសម្រាប់ការប្រកួតនៅយប់មិញ ក្រោយពីពួកគេធ្លាយគ្រាប់បាល់នៅនាទី៩០+៥ទៅហើយនោះ។ យ៉ាងណាមិញ បាន១ពិន្ទុបន្ថែមនេះ មិនបានធ្វើឱ្យក្រុម Man Utd ធ្លាក់ចំណាត់ថ្នាក់អ្វីទេ តែបើមើលទៅតារាងវិញ ឃើញថាពួកគេកាន់តែឆ្ងាយជាមួយក្រុមកំពូលតារាង Man City ទៅហើយ។
ដោយសារតែដូច្នេះហើយទើបបានជាលោក Ole និយាយថា៖ “យើងមិនអាចនិយាយពីការប្រជែងពានរង្វាន់ទេ យើងបានដើរមកឆ្ងាយ ហើយយើងក៏មិនមែនជាក្រុមប្រជែងពានរង្វាន់អ្វីដែរ។ យើងជាក្រុមល្អជាងមុន ហើយយើងនឹងឃើញថាយើងស្ថិតនៅលេខប៉ុន្មានពេលចប់ការប្រកួត”៕
ប្រភព៖ DailyMail