ការប្រកួតនៅក្របខ័ណ្ឌ Premier League កាលពីយប់មិញ មានរឿងគួរឲ្យចាប់អារម្មណ៍ជាច្រើនដោយសម្រាប់ក្រុមកាំភ្លើងធំ Arsenal ក៏មានកីឡាករទទួលពិន័យកាតក្រហមដល់ទៅ ២ សន្លឹកដូចជំនួប Southampton-Man Utd អ៊ីចឹងដែរ។
ត្បិតបើ Nicolas Pepe ជួយឲ្យ Arsenal នាំមុខនៅនាទី ៣២ តែមកដល់នាទី ៤៥+៣ ខ្សែការពារ David Luiz បានបង្កកំហុសរងពិន័យកាតក្រហមភ្លាមៗ និងផ្តល់បាល់ ១១ ម៉ែត្រឲ្យ Ruben Neves បញ្ចប់ទីតាមស្មើ។
មកដល់តង់ទីពីរ Joao Moutinho រកបានមួយគ្រាប់ថែមទៀត ក្រោយអាជ្ញាកណ្តាលផ្លុំកញ្ចែបាន ៤ នាទី។ រឿងដែលហួសចិត្តនោះរំលងបានជាង ២០ នាទីអ្នកចាំទី Bernd Leno ដែលយកដៃប៉ះបាល់ក្រៅប្រអប់គ្រោះថ្នាក់ នាំឲ្យកើតមានកំហុស និងទទួលពិន័យកាតក្រហមថែមមួយទៀត៕
ទស្សនាវីដេអូខាងក្រោម៖
បច្ចុប្បន្ន Arsenal ឈរលេខ ១០ នៅ Premier League ដោយមាន ៣១ ពិន្ទុ ខណៈ Wolves ឈរលេខ ១៤ មាន ២៦ ពិន្ទុគិតត្រឹមជុំទី ២២៕