កាលពីយប់មិញនៅក្របខ័ណ្ឌ Premier League ដែលជាជុំទី ២០ សម្រាប់ក្រុមមេឃខៀវ Man City ពួកគេបានយកឈ្នះទៅលើ Sheffield United ១-០។ ជ័យជម្នះនេះអាចរាប់ថាជាការសងសឹកដល់ក្រុមរួមទីក្រុង Manchester ដែលបានចាញ់ក្រុមបាតតារាងកាលពីជុំមុន។
ជាមួយ ៣ ពិន្ទុដែលទទួលបានរុញឲ្យក្រុមដឹកនាំដោយលោក Pep Guardiola បន្ថែមគម្លាត ៣ ពិន្ទុធៀបនឹងក្រុមលេខ ២ Man Utd ហើយទាំងដែលក្រុមខ្លួនសល់ ១ ជុំក្នុងដៃទៀតនោះ។
យើងទៅមើលស្ថិតិការប្រកួត ម្ចាស់ដី Etihad គ្រប់គ្រងបាល់សឹងតែទាំងស្រុង ដោយមាន ៧៥ ភាគរយ តាមរយៈការបញ្ជូនទៅមកឥតឈប់ដល់ ៨០៥ ប៉ះ ហើយអត្រាជោគជ័យមានដល់ ៩០ ភាគរយ។ ស៊ុតសរុប ១០ លើកចំគោលដៅ ៥ លើក ធៀបនឹងក្រុមភ្ញៀវស៊ុត ៤ លើក ចំគោលដៅ ១ លើកគត់។
គ្រាប់បាល់ជ័យជម្នះធ្វើបានដោយកីឡាករ Gabriel Jesus តាំងពីនាទីទី ៩ មកម្ល៉េះ ហើយលទ្ធផលរក្សាដល់បញ្ចប់ ៩០ នាទី៕
ទស្សនាវីដេអូខាងក្រោម៖