ក្រុម Manchester City បានឡើងទៅឈរនៅកំពូលតារាង Premier League ហើយ ក្រោយពីយកឈ្នះលើក្រុម West Brom ក្នុងលទ្ធផល ៥-០។
ទទួលបាន៣ពិន្ទុបន្ថែមនេះទៀត បានធ្វើឱ្យក្រុមរបស់លោក Pep ឡើងទៅឈរនៅកំពូលតារាងហើយ ដោយលើសពិន្ទុក្រុម Man Utd ១ពិន្ទុ ក្រោយឆ្លងកាត់១៩ប្រកួតដូចគ្នា។ ត្បិតតែបានឡើងឈរនៅកំពូលតារាងនេះមែន ប៉ុន្តែលោក Pep អ្នកចាត់ការក្រុម Man City ប្រាប់ទៅកូនក្រុមឱ្យស្ងប់អារម្មណ៍ និងត្រូវតាំងចិត្តប្រកួតយកឈ្នះបន្ថែមទៀត។ ការប្រកួតនៅសល់១៩ប្រកួតទៀតទើបចប់រដូវកាល ដូច្នេះគ្រប់យ៉ាងសុទ្ធតែអាចកើតមានឡើងទាំងអស់។
រំលឹកថា Man City កំពុងឡើងជើងខ្លាំងមែនទែន ដោយ១១ប្រកួតចុងក្រោយមកនេះគ្រប់ការប្រកួតទាំងអស់គឺសុទ្ធតែទទួលបានជ័យជម្នះ។ ខណៈដែលពួកគេអាចការពារសំណាញ់ទីបានយ៉ាងល្អថែមទៀតផង៕ប្រភព Dailymail