ខ្សែប្រយុទ្ធ Gareth Bale រកបាន១គ្រាប់ជួយក្រុម Spurs យកឈ្នះលើក្រុម Wycombe ក្នុងលទ្ធផល ៤ -១ នៃពានរង្វាន់ FA Cup នៅយប់មិញនេះ។
ក្រុម Wycombe ជាអ្នករកគ្រាប់បាល់នាំមុខបានមុនលើក្រុម Spurs នៅនាទី២៥ក្នុងតង់ទី១។ យ៉ាងណាមិញនៅជិតចប់តង់ទៅហើយនោះ Gareth Bale ក៏អាចរកគ្រាប់បាល់តាមស្មើវិញបាននៅនាទី៤៥+២។ ក្រោយពីស្មើគ្នានេះហើយ ក្រុម Spurs ត្រូវរង់ចាំដល់នាទី៨៦ ៨៧ និង៩០+៣ ទើបអាចបន្ដរក៣គ្រាប់ទៀតបាន។
ក្រោយពីរកបាន១គ្រាប់ក្នុងពានរង្វាន់ FA Cup នេះហើយ លោក Jose Mourinho អ្នកចាត់ការក្រុម Spurs បានអះអាងថា Bale គួរតែព្យាយាមបន្តិចទៀត ទើបអាចមាននាទីលេងបន្ថែមក្នុងការប្រកួតពានរង្វាន់ Premier League បាន៕
ប្រភព៖ DailyMail