នៅការប្រកួត FA Cup ជុំទី ៤ កាលពីយប់មិញ ក្រុមមេឃខៀវ Manchester City បានយកឈ្នះ ៣-១ ទៅលើក្រុម Cheltenham ដែលជាក្រុមស្ថិតនៅលីគលំដាប់ទី ៤ របស់អង់គ្លេស។
ទៅមើលស្ថិតិការប្រកួត ខាងក្រុមលោក Pep Guardiola បានសម្រុកឥតល្ហែ ដោយគ្រប់គ្រងបាល់ ៧៣ ភាគរយ បញ្ជូនបាល់ចេញ ៦០១ លើក ហើយមានឱកាសស៊ុត ២០ លើក ចំគោលដៅ ៩ លើក ធៀបនឹងក្រុមភ្ញៀវគ្រប់គ្រងបាល់ត្រឹម ២៧ ភាគរយ បញ្ជូនបាល់ចេញ ២២៩ លើក និងស៊ុតបាន ២ លើកប៉ុណ្ណោះចំគោលដៅ។
ប៉ុន្តែការប្រកួតមានគ្រាប់បាល់កើតឡើងនៅនាទី ៥៩ ឯណោះ ដែលរកបានដោយកីឡាករ Alfie May បើកឆាយដោយក្រុមម្ចាស់ផ្ទះ។ រហូតដល់នាទី ៨១ ទើប Phil Foden រកបានតាមស្មើ ហើយរំលងបីនាទី Gabriel Jesus តាមបានមួយគ្រាប់ទៀត និងដល់នាទី ៩០+៤ Ferran Torres បន្ថែមគ្រាប់បាល់ទីបីយកជ័យជម្នះតែម្តង៕
ទស្សនាវីដេអូខាងក្រោម៖