ក្រុម PSG បានយកឈ្នះលើក្រុម Montpellier ក្នុងលទ្ធផល ៤-០ ដើម្បីឡើងទៅឈរនៅកំពូលតារាង Ligue1 វិញហើយ មាន៣ពិន្ទុលើសក្រុមលេខ២ Lille ។
៤គ្រាប់ដែលសម្រេចបាននេះ កើតឡើងដោយ Mbappe ២គ្រាប់ម្នាក់ឯង Neymar ១គ្រាប់ និង Icardi ១គ្រាប់។ នេះជាការប្រកួតដែលលោក Mauricio Pochettino បានត្រលប់មកចូលទីលានដឹកនាំក្រុមវិញផងដែរ ក្រោយពីលោកជាសះស្បើយពីមេរោគកូវីដ១៩។
លោក Pochettino បាននិយាយក្រោយចប់ការប្រកួតនេះថា៖ “ខ្ញុំមានអារម្មណ៍ល្អ។ ខ្ញុំអាចមកឈរបញ្ជាកូនក្រុមបាន ដោយរក្សាគម្លាតពីគ្នា។ វាតែងតែពិបាកក្នុងការនៅឆ្ងាយពីក្រុម ប៉ុន្តែពេលនេះខ្ញុំសប្បាយចិត្តដែលអាចត្រលប់មកវិញ។ រឿងដែលសំខាន់បំផុតគឺយើងអាចត្រលប់មករកជ័យជម្នះបានវិញ និងជាសះស្បើយពីមេរោគកូវីដ១៩ អាចមកដឹកនាំក្រុមបានធម្មតា”៕ប្រភព Dailymail
