Mesut Ozil បានផ្ទេរទៅចូលរួមនៅក្លឹប Fenerbahce ក្នុងប្រទេសទួរគីហើយ ក្រោយពីបង្ហាញវត្តមាននៅឯព្រលានយន្តហោះនៅតំបន់នោះ អមនឹងការលើកផ្ទាំង Logo របស់ក្លឹប។
ត្បិតបើកុងត្រាសេសសល់ជាមួយ Arsenal រយៈពេល ៥ ខែទៀតក្តី ប៉ុន្តែ Ozil បានសម្រេចចិត្តចាកចេញមុន ក្រោយពីមិនបានចូលរួមលេងក្រោមការដឹកនាំរបស់លោក Mikel Arteta តាំងពីខែមិនា ឆ្នាំ ២០២០។
ជាមួយការផ្ទេរទៅក្លឹប Fenerbahce ត្រូវបានគេរាយការណ៍ថា កីឡាករអាល្លឺម៉ង់អាចទទួលបានថ្លៃពលកម្មទាបជាងមុនដល់ទៅ ៥ ដងឯណោះ ពោលគឺកាត់បន្ថយប្រាក់ប្រមាណ ២៨២ ០០០ ផោន/សប្តាហ៍។
ជាមួយកុងត្រារយៈពេល ៣ ឆ្នាំកន្លះនៅក្លឹបថ្មី Ozil ទទួលបានប្រាក់តែ ៣,៥ លានផោន/ឆ្នាំ ឬ ៦៧ ៣០០ ផោន/សប្តាហ៍តែប៉ុណ្ណោះ បើធៀបនឹងប្រាក់ពលកម្មចាស់កាលនៅ Arsenal គេជា Top Earner ទទួលបានដល់ទៅ ៣៥០ ០០០ ផោន/សប្តាហ៍ឯណោះ៕ ប្រភព៖ AF