ក្រុមតោខៀវ Chelsea បានទទួលជ័យជម្នះវិញហើយក្នុងការប្រកួតពានរង្វាន់ English Premier League ដោយយកឈ្នះលើក្រុម Fulham ក្នុងលទ្ធផល ១-០។
ក្រុមរបស់លោក Lampard រងសម្ពាធខ្លាំង ក្រោយពីធ្វើមិនបានល្អក្នុងការប្រកួតលីគកំពូលអង់គ្លេស។ យ៉ាងណាមិញ លេងជាមួយក្រុម Fulham ពួកគេបែរជាស្វែងរក៣ពិន្ទុបានវិញហើយ ដោយយកឈ្នះក្នុងលទ្ធផល ១-០ ។ ១គ្រាប់ទទួលបានជ័យជម្នះនេះ ធ្វើបានដោយ Mason Mount នៅនាទី៧៨។
ទទួលបាន៣ពិន្ទុបន្ថែមនេះ ក្រុម Chelsea មាន២៩ពិន្ទុឆ្លងកាត់១៨ប្រកួតមកនេះ។ ប្រកួតបន្ទាប់ពួកគេនឹងត្រូវប៉ះក្រុម Leicester City នៅថ្ងៃទី២០ខែមករាឆ្នាំ២០២១ខាងមុខ៕
ប្រភព៖ DailyMail