តារាឆ្នើមជើងចាស់លោក Ronaldo Nazario បានបង្ហាញការកោតសរសើរដល់ខ្សែការពារស្លាប Achraf Hakimi ហើយជឿថា ការដែល Real Madrid លក់មកឲ្យ Inter Milan គឺជាកំហុសដ៏ធ្ងន់មួយ។
កីឡាករវ័យ ២២ ឆ្នាំ បានផ្ទេរមកចូលរួមនៅទឹកដីអ៊ីតាលីជាមួយតម្លៃ ៤០ លានអឺរ៉ូ កាលពីរដូវក្តៅឆ្នាំទៅ ក្រោយពីចាយពេលខ្ចីជើង ២ ឆ្នាំនៅ Dortmund។ ចំណុចខ្លាំងរបស់គេ គឺការប្រើប្រាស់ល្បឿន និងការរា.រាំងគូប្រជែង។
ប្រាប់សារព័ត៌មាន La Gazzetta dello Sport អតីតខ្សែប្រយុទ្ធនៅ Real និយាយ៖ “គេជាកីឡាករដ៏លេចធ្លោមួយរូប ហើយ Real Madrid បានបង្កកំហុសក្នុងការលក់គេចេញ ដោយខ្ញុំអាចនិយាយថា Hakimi គេជាការផ្ទេរដ៏ជោគជ័យមួយនៅប្រវត្តិសាស្រ្តរបស់ក្លឹប Inter នារយៈពេល ១០ ឆ្នាំចុងក្រោយ”។
គួររំឭកថាក្លឹប Inter Milan ក៏នឹងត្រូវតតាំងទល់ក្លឹប Juventus នៅវេលាម៉ោង ០២:៤៥ នាទីរំលងអាធ្រាត្រចូលព្រឹកថ្ងៃចន្ទ ដែលមានផ្សាយផ្ទាល់នៅលើទំព័រ CTS Sports៕
ប្រភព៖ Marca