ក្លឹប Angers បានទទួលរងបរាជ័យក្រោមលទ្ធផល ០-១ ទល់ក្លឹប PSG នៅឯការប្រកួតក្នុងក្របខ័ណ្ឌ Ligue 1 កាលពីយប់មិញ។
បើទោះបីជាក្រុមកំពូល PSG ត្រូវអវត្តមានអ្នកចាត់ការលោក Mauricio Pochettino ដោយសារតេស្តមានផ្ទុកជំងឺ COVID-19 ក៏ក្រុមមានលោក J.P. Perez មកជំនួសបណ្តោះអាសន្ន ហើយនៅបន្តយក ៣ ពិន្ទុដដែល។
ក្រឡេកទៅមើលការប្រកួត ក្រុមភ្ញៀវបានដាក់សម្ពាធនៅការគ្រប់គ្រងបាល់ ៦១ ភាគរយ ជាមួយការស៊ុត ១១ លើក ចំគោលដៅ ៣ លើក ប៉ុន្តែក្រុមម្ចាស់ផ្ទះក៏មានឱកាសច្រើនដូចគ្នាដែរ ដោយស៊ុត ១១ លើក ចំគោលដៅ ៤ លើក បើទោះបីគ្រប់គ្រងបាល់តែ ៣៩ ភាគរយក៏ដោយ។ គ្រាប់បាល់ជ័យជម្នះកើតឡើងនៅនាទី ៧០ ឯណោះ ធ្វើបានដោយខ្សែការពារ Layvin Kurzawa។
ទស្សនាវីដេអូ Highlight ខាងក្រោម៖
https://www.youtube.com/watch?v=RNNnJIZy8cM
គិតត្រឹមជុំទី ២០ ក្លឹប PSG មាន ៤២ ពិន្ទុ ខណៈ Lyon នៅក្រោយមួយប្រកួតមាន ៤០ ពិន្ទុ និង Lille ៣៩ ពិន្ទុ តាមប្រកិតគ្នាខ្លាំងនៅការប្រជែងតំណែង Top 3 ក្នុងតារាង Ligue 1៕