ខ្សែប្រយុទ្ធវ័យជ្រេ Odion Ighalo ទំនងជាផ្លាស់ទៅលេងនៅលីគអាមេរិក ជាមួយក្រុម Inter Miami របស់អតីតកីឡាករ David Bekcham ហើយ។
Ighalo នារដូវកាលនេះ មិនមានឱកាសបានចូលលេងឡើយជាមួយក្រុមបិសាចក្រហម Manchester United ។ ខណៈដែលកុងត្រាខ្ចីជើងរបស់គេនៅ Old Trafford មានដល់ចប់រដូវកាលនេះឯណោះ។ តែដោយសារតែចង់មានឱកាសបានចូលលេង ពេលនេះសាមីខ្លួនបានបង្ហើបថាមានគម្រោងចង់ផ្ទេរចេញហើយ។ ដោយក្លឹបនៅអាមេរិកជាជម្រើសរបស់គេ។
កីឡាករវ័យ៣១ឆ្នាំខាងលើនេះ អាចផ្លាស់ទៅលេងនៅក្លឹប Inter Miami របស់ Beckham ។ ដោយសារតែក្លឹបនេះ បច្ចុប្បន្នមានកីឡាករឆ្នើមៗជាច្រើនចេញពីអឺរ៉ុបទៅលេងទីនោះ ដូចជាGonzalo Higuain ជាដើម៕ប្រភព Dailymail