វាជារឿងមិនគួរឱ្យជឿនោះទេ ដែលក្រុមយក្ស Bayern Munich បានធ្លាក់ចេញពីពានរង្វាន់ German Cup ហើយ ក្រោមថ្វីជើងរបស់ក្រុម Holstein Kiel ដែលស្ថិតនៅលីគទី២ឯណោះ។
នៅម៉ោងលេង ក្រុមភ្ញៀវ Bayern Munich នាំមុខមុនរហូត ប៉ុន្តែក៏ត្រូវក្រុមម្ចាស់ផ្ទះ Holstein Kiel តាមស្មើបានវិញរហូតដែរ ក្នុងលទ្ធផល ២-២។ ស្មើគ្នានេះហើយ ទើបតម្រូវឱ្យក្រុមទាំងពីរត្រូវទាត់ប៉េណាល់ទីដើម្បីកាត់សេចក្ដីយកក្រុមឈ្នះ ចាញ់តែម្ដង។ ជាលទ្ធផលនៅវគ្គនេះ ក្រុម Bayern Munich ធ្វើមិនបានល្អឡើយ ទើបបណ្ដាលឱ្យចាញ់ក្នុងលទ្ធផល ៦-៥ តែម្ដង។
នេះជាការធ្លាក់ក្រោមថ្វីជើងក្រុមកម្រិតទាបលើកដំបូងក្នុងរយៈពេល១៧ឆ្នាំមកនេះ របស់ក្រុម Bayern Munich ហើយ។ ខណៈដែលពួកគេក៏បានបរាជ័យផ្ទួនគ្នា២ប្រកួតមកហើយដែរ។ ដោយប្រកួតមុននោះចាញ់ក្រុម Mönchengladbach នៅលីគក្នុងលទ្ធផល ៣-២៕ប្រភព Dailymail
