ខ្សែបម្រើដែលស្ថិតក្រោមក្លឹបអាណាព្យាបាល Real Madrid គឺកីឡាករ Takefusa Kubo បានបន្តចាកចេញពីក្លឹប Villarreal និងផ្ទេរទៅចូលរួមនៅក្លឹប Getafa នៅលក្ខខណ្ឌខ្ចីជើងកាលពីពេលថ្មីៗនេះ រហូតដល់បញ្ចប់រដូវកាល ២០២០/២១។
ហេតុផលដែលគេចាកចេញពីក្លឹបចាស់ ក៏ដោយសារមិនសូវបានលេងជាប់លាប់ ហើយអ្នកចាត់ការលោក Unai Emery ក៏បានប្រកាសទទួលស្គាល់ពីហេតុផលនោះដែរ។ ជាមួយ Villarreal គេចូលលេងត្រឹមជាកីឡាករបម្រុង នៅ ១៩ ប្រកួត ឈរជើង ៦៨៧ នាទី ដែលជាមធ្យមមាន ៣៦ នាទី/ប្រកួត។
បែបនេះសម្រាប់ក្លឹប Getafe នឹងបន្ថែមការអភិវឌ្ឍដល់ប្រព័ន្ធបម្រើកាន់តែល្អថែមទៀត ដោយយកបានទាំង Kubo និង Carles Alena របស់ Barcelona មុននេះដូចគ្នា។
បច្ចុប្បន្នក្លឹប Getafe ឈរចំណាត់ថ្នាក់ទី ១៦ មាន ១៧ ពិន្ទុ នាំមុខក្រុមស្ថិតនៅតំបន់ត្រូវកាត់ឈ្មោះតែ ១ ពិន្ទុប៉ុណ្ណោះ អ៊ីចឹងយើងនឹងរង់ចាំមើលថាតើការមកដល់របស់ Alena ក៏ដូចជា Kubo អាចស្រោចស្រង់ពួកគេផុតពីតំបន់នោះបានឬយ៉ាងណា?
ប្រភព៖ Marca