ក្លឹប Tottenham Hotspur ដែលស្ថិតក្រោមការដឹកនាំដោយអ្នកចាត់ការលោក Jose Mourinho បាននឹងកំពុងចាប់អារម្មណ៍លើខ្សែការពារ Eder Militao របស់ក្លឹប Real Madrid។
បញ្ជាក់ថា ខ្សែការពារសញ្ជាតិប្រេស៊ីល បានផ្ទេរមកចូលរួមនៅ Madrid កាលពីរដូវក្តៅឆ្នាំ ២០១៩ ជាមួយតម្លៃខ្លួន ៥០ លានអឺរ៉ូ។ បច្ចុប្បន្នគេសេសសល់កុងត្រាដល់ឆ្នាំ ២០២៥ ឯណោះ តែហាងឆេងថ្លៃខ្លួនមានការធ្លាក់ចុះមកសល់ត្រឹមជាង ៣០ លានអឺរ៉ូប៉ុណ្ណោះ។
យ៉ាងណាមិញតាមការចុះផ្សាយរបស់សារព័ត៌មាន Mundo Deportivo បានឲ្យដឹងថា ភាគរយនៃការចាកចេញរបស់ Militao នៅតែទំនងអាចកើតឡើង ព្រោះគេមិនបានក្លាយជាចំណែកសំខាន់ដែល Zidane ត្រូវការប្រើប្រាស់ទាល់តែសោះ ដោយនៅរដូវកាល ២០២០/២១ ទើបឈរជើងបាន ២២៤ នាទីគត់ នៅការបង្ហាញខ្លួន ៣ ប្រកួត៕
ប្រភព៖ Goal