អ្នកចាត់ការថ្មី Mauricio Pochettino បាននិយាយប្រាប់ទៅខ្សែប្រយុទ្ធ Kylian Mbappe ថាត្រូវពង្រឹងសមត្ថភាពឡើងវិញ ក្រោយពីបង្ហាញទម្រង់លេងមិនល្អសោះកាលពីប្រកួតកន្លងទៅ។
ក្រុម PSG លេងបានត្រឹមស្មើប៉ុណ្ណោះជាមួយក្រុម Saint-Etienne ក្នុងលទ្ធផល ១-១ ដែលជាការប្រកួតដំបូងក្រោមការដឹកនាំរបស់លោក Mauricio Pochettino។ ក្រោយពីលេងស្មើការប្រកួតនេះហើយ លោក Pochettino មើលឃើញចំណុចខ្វះខាតជាច្រើនក្នុងក្រុម ហើយក៏បានហៅកីឡាករម្នាក់ៗមកជួបដើម្បីណែនាំផងដែរ។
ក្នុងនោះ លោក បានប្រាប់ទៅខ្សែប្រយុទ្ធ Mbappe ថា៖ “Kylian ត្រូវពង្រឹងសមត្ថភាពបន្ថែមទៀត ដូចគ្រប់គ្នាដែរ។ គាត់គួរតែមានអារម្មណ៍ពិបាកចិត្តដែលមិនអាចឈ្នះការប្រកួតបែបនេះបាន ហើយគួរតែធ្វើបានល្អជាងនេះ។ កាយវិការរបស់គាត់លើទីលានល្អ ខ្ញុំពេញចិត្ត ប៉ុន្តែគាត់ត្រូវពង្រឹងសមត្ថភាពបញ្ចប់ទីបន្ថែម”៕
ប្រភព៖ Goal