ក្រុម Manchester United បានសម្រេចការផ្ទេរកីឡាករ Amad Diallo ពីក្រុម Atalanta មករួមក្រុមហើយ ក្នុងតម្លៃខ្លួន៣៧លានផោនឯណោះ។ការពិតទៅ Man Utd ទិញបានយុវជនវ័យ១៨ឆ្នាំខាងលើនេះតាំងពីរដូវកាលដោះដូរកីឡាករមកម្ល៉េះ ប៉ុន្តែទុកឱ្យ Atalanta ខ្ចីជើងពាក់កណ្ដាលរដូវកាលសិន។
យ៉ាងណាមិញពេលនេះ រូបគេសម្រេចបានការផ្ទេរមកទឹកដី Old Trafford ជាផ្លូវការហើយ ក្រោយពីអស់កុងត្រាខ្ចីជើងពាក់កណ្ដាលរដូវកាលនោះ។ លោក Ole បានតាមដានយុវជនរូបនេះ១ឆ្នាំពេញតែម្ដង មុនពេលសម្រេចចិត្តនាំយកមករួមក្រុមនេះក្នុងតម្លៃខ្លួនដល់៣៧លានផោន។
Diallo បានបង្កើតប្រវត្តិសាស្ត្រមួយផងដែរនៅ Serie A ជាមួយក្រុម Atalanta ពោលគឺក្លាយជាកីឡាករកើតឆ្នាំ២០០២ដំបូងគេដែលអាចរកគ្រាប់បាល់បាននៅលីគកំពូលអ៊ីតាលីនេះ។ យ៉ាងណាមិញកន្លះរដូវកាលមកនេះ រូបគេមិនមានឱកាសច្រើនក្នុងការបង្ហាញខ្លួននោះទេ៕
ប្រភព៖ DailyMail