Mauricio Pochettino អ្នកចាត់ការថ្មីថ្មោងរបស់ក្លឹប Paris Saint-Germain បានល្ហិចល្ហៀងរយៈពេលយូរមកហើយថាចង់បាន Dele Alli សម្រាប់ការមកដឹកនាំនៅក្លឹបថ្មី ប៉ុន្តែដំណឹងចុងក្រោយគឺក្លឹប Tottenham Hotspur ហាក់មិនបើកភ្លើងខៀវទាល់តែសោះ។
កុងត្រារបស់ Alli ដែលត្រូវផុតនៅឆ្នាំ ២០២៤ ហើយបើទោះបីជាគេមិនសូវត្រូវបានលោក Jose Mourinho ជ្រើសរើសឲ្យចូលរួមការប្រកួត ក៏ក្លឹបមិនទាន់ចង់លក់គេពេលនេះដែរ។
ឆ្លើយតបនឹងរឿងរ៉ាវនេះ តាមរបាយការណ៍ពី Sportsmail ចុះផ្សាយថា អ្នកចាត់ការសញ្ជាតិអាហ្សង់ទីនក៏បានបង្វែរគោលដៅភ្លាមៗ ទៅខ្សែបម្រើមួយរូបផ្សេងទៀតនោះគឺ Christian Eriksen ដែលធ្លាប់ជាអតីតកូនក្រុមរបស់ខ្លួនដូចគ្នា។
បច្ចុប្បន្ន Eriksen កំពុងស្ថិតក្នុងបញ្ជីកីឡាករដែលក្លឹប Inter Milan ចង់លក់ចេញ ក្រោយធ្វើមិនបានល្អនៅរយៈពេលមួយឆ្នាំចុងក្រោយ បន្ទាប់ពីចាកចេញពី Spurs។ យ៉ាងណាមិញលោក Pochettino នៅតែយល់ឃើញកីឡាករដាណឺម៉ាកអាចជួយពង្រឹងតំបន់បម្រើរបស់ខ្លួនបាន បែបនេះលោកនឹងជំរុញឲ្យ PSG ធ្វើការចរចានៅខែមករានេះ៕
ប្រភព៖ AF