តាមរបាយការណ៍ពី TheSun ចុះផ្សាយថា ក្លឹបមាន់ខ្នាយមាស Tottenham Hotspur បានកំពុងធ្វើការរារាំងលោក Mauricio Pochettino ជុំវិញការចង់បានកីឡាករសំខាន់ ២ រូប រួមមាន Dele Alli និង Hugo Lloris។
ជាការពិតលោក Pochettino ដែលទើបឡើងកាន់តំណែងថ្មីថ្មោងនៅក្លឹប PSG គឺស្រលាញ់និងយល់ចិត្ត Alli ជាខ្លាំង ហើយបើទោះបីជាកុងត្រាគេសេសសល់ដល់ឆ្នាំ ២០២៤ ក៏លោកមិនញញើតនឹងចូលចរចានោះដែរ។ ដំណឹងចុងក្រោយក៏ល្ហៀងៗថាអ្នកចាត់ការសញ្ជាតិអាហ្សង់ទីនចាប់អារម្មណ៍លើអ្នកចាំទី Hugo Lloris ទៀតផង ហើយចង់យកមកម្តងទាំងពីរ។
យ៉ាងណាមិញក្លឹប Spurs ហាក់មិនបើកភ្លើងខៀវពិចារណាលើការលក់ចេញពួកគេទាល់តែសោះ ជាពិសេសគឺ Lloris ដែលនៅស្ថិតជាចំណែកសំខាន់របស់ក្រុមដឹកនាំដោយលោក Jose Mourinho ដដែល៕ ប្រភព៖ BeSoccer