លោក Zidane បានអះអាងថាលោកមិនហ៊ានធានាកៅអីនៅក្លឹប Real Madrid ថានឹងបានយូរប៉ុណ្ណានោះទេ ព្រោះពេលនេះគ្រប់យ៉ាងសុទ្ធតែអាចប្រែប្រួលបានគ្រប់ពេលវេលា។
ក្រុម Real Madrid កំពុងស្ថិតនៅលេខ២ក្នុងក្របខណ្ឌ La Liga ហើយក៏មិនទាន់រកឃើញជម្រើសល្អបំផុតក្នុងក្រុមដែរ ដោយសារតែកីឡាកររបួស និងពេលខ្លះឆ្លងមេរោគកូវីដ១៩។ កត្តានេះហើយ ទើបធ្វើឱ្យគ្រប់យ៉ាងក្រោមការដឹកនាំរបស់លោក Zidane មិនល្អឡើយ ពោលគឺសូម្បីតែកីឡាករថ្មីក៏មិនអាចនាំចូលបានផងកាលពីរដូវក្ដៅកន្លងទៅ។
ចំពោះថ្ងៃអនាគតវិញ Zidane បាននិយាយថា៖ “ខ្ញុំសំណាងដែលបានក្លាយជាអ្នកចាត់ការក្រុម Real Madrid និងគ្រប់យ៉ាងដែលក្លឹបបានផ្ដល់ឱ្យ។ ខ្ញុំមិនអាចនិយាយថា១ខែ ១ឆ្នាំ ឬ៤ឆ្នាំនោះទេ។ ជីវិតគឺជារបៀបពីមួយថ្ងៃទៅមួយថ្ងៃ។ នេះជាអ្វីដែលខ្ញុំចាប់អារម្មណ៍”៕
ប្រភព៖ Goal