Lionel Messi បានបង្ហាញពីគោលដៅទៅថ្ងៃខាងមុខ ថាលោកក៏គិតនឹងទៅចូលរួមជាមួយក្លឹបក្នុងក្របខ័ណ្ឌ Major League Soccer របស់អាមេរិកផងដែរ ប៉ុន្តែមិនមែនពេលនេះទេ។
កីឡាករសញ្ជាតិអាហ្សង់ទីនត្រៀមនឹងផុតកុងត្រាជាមួយ Barcelona នៅថ្ងៃទី ៣០ មិថុនា ឆ្នាំ ២០២១ ហើយជុំវិញរឿងរ៉ាវនេះមានការសួរនាំជាច្រើនអំពីអនាគតរបស់លោកកំឡុងពេលធ្វើបទសម្ភាសន៍ជាមួយសារព័ត៌មាន La Sexta។
ខ្សែប្រយុទ្ធវ័យ ៣៣ ឆ្នាំនិយាយ៖ “ខ្ញុំតែងតែនិយាយថាខ្ញុំចង់ភ្លក់បទពិសោធន៍នៅលីគរបស់អាមេរិក ប៉ុន្តែមិនមែនពេលនេះទេ”។
លោកបន្ត៖ “ខ្ញុំមិនបានគិតអំពីរដូវកាលនឹងបញ្ចប់បែបណាដែរ ព្រោះវាមិនជារឿងល្អសម្រាប់ខ្ញុំទេដែលត្រូវគិតពេលនេះ ហើយអ្វីដែលខ្ញុំនឹងធ្វើក៏មិនដឹងដូចគ្នា ពោលគឺមិនដឹងថាខ្ញុំនឹងចេញឬអត់ ព្រោះបើចាកចេញ ខ្ញុំចង់ចាកចេញក្នុងមធ្យោបាយដ៏ល្អបំផុត”៕ ប្រភព៖ Marca