ក្រុមបិសាចក្រហម Manchester United លេងស្មើជាមួយក្រុម Leicester City កាលពីយប់មិញនេះ ក្នុងលទ្ធផល ២-២ ប៉ុណ្ណោះ។បិសាចក្រហមជាអ្នកបើកការនាំមុខមុនរហូត ប៉ុន្តែក៏ត្រូវក្រុមកញ្ជ្រោងខៀវធ្វើការវាយបកតាមបានស្មើវិញផងដែរ។
ជាមួយលទ្ធផលស្មើគ្នា ចែកម្នាក់១ពិន្ទុនេះ បានធ្វើឱ្យ Bruno មិនសប្បាយចិត្តនោះទេ។ រូបគេអះអាងថាលទ្ធផលស្មើគ្នានេះមិនគួរឱ្យកើតមានឡើយ ព្រោះក្រុម Man Utd ធ្វើបានល្អជាងនិងរកគ្រាប់បាល់បានរហូត។
ខ្សែបម្រើដែលតែងតែរកគ្រាប់បាល់បានសឹងគ្រប់ប្រកួតនេះបាននិយាយទៀតថា៖ “យើងមិនសប្បាយចិត្តជាមួយពិន្ទុនេះទេ។ ខ្ញុំសប្បាយចិត្តនៅពេលយើងដើរចូលបន្ទប់ផ្លាស់សំលៀកបំពាក់ហើយម្នាក់ៗពិបាកចិត្ត។ នេះបានបង្ហាញឱ្យឃើញថាយើងស្រែកឃ្លានក្នុងជ័យជម្នះ”៕
ប្រភព៖ DailyMail