ក្លឹប PSG បានសម្រេចបណ្ដេញលោក Thomas Tuchel ចេញពីតំណែងហើយ ក្រោយពីបុរសសញ្ជាតិអាល្លឺម៉ង់នេះនិយាយសម្ដីមិនសមរម្យជាមួយក្លឹប។ក្រោយពីជួយក្រុម PSG យកឈ្នះលើក្រុម Strasbourg ៤-០ មក លោក Tuchel បាននិយាយសម្ដីដែលប៉ះពាល់ដល់ក្លឹបច្រើន ដែលធ្វើឱ្យថ្នាក់ដឹកនាំមិនពេញចិត្តនោះទេ។
លោក Tuchel បាននិយាយថា៖ “យើងសល់តែ១ប្រកួតទៀតទេនឹងអាចឈ្នះ UEFA Champions League ហើយ ប៉ុន្តែខ្ញុំមិនមានអារម្មណ៍ថាយើងសក្ដិសមមកដល់វគ្គនេះទេ។ វាធ្វើឱ្យអ្នកមិនសប្បាយចិត្តឡើយនៅគ្រានោះ។ អ្នកមិនមានអារម្មណ៍សប្បាយចិត្តឈ្នះលីគនៅទីនេះ ដូចក្រុម Bayern Munich ឈ្នះលីគនៅអាល្លឺម៉ង់ឡើយ”។
រំលឹកថាគោលដៅរបស់ក្រុម PSG គឺធ្វើយ៉ាងណាឈ្នះពានរង្វាន់ UEFA Champions League ឱ្យបាន ខណៈដែលលីគក្នុងស្រុកវិញពួកគេឈ្នះសឹងតែរាល់ឆ្នាំមកហើយកន្លងមកនេះ៕
ប្រភព៖ DailyMail