ខ្សែប្រយុទ្ធ Lionel Messi ឈ្នះពានរង្វាន់ស្បែកជើងមាស Pichichi នៅរដូវកាលមុន ក្រោយពីរកបាន៣៣គ្រាប់។
នេះជាលើកទី៧ហើយដែល Messi ឈ្នះពានរង្វាន់ខាងលើនេះ។ ដោយរូបគេគឺជាកីឡាករដំបូងក្នុងប្រវត្តិសាស្ត្រ La Liga អាចឈ្នះដល់៧ដង។ ដោយមានគេសួរថាចង់ឈ្នះពាននេះលើកទី៨ទៀតទេនៅរដូវកាលនេះ? Messi បានតបវិញថារូបគេមិនច្បាស់ទេ ប៉ុន្តែបើអាចឈ្នះពាន La Liga គឺល្អជាង។
ប្រធានក្រុមអ្នកមានបុណ្យ Barcelona បាននិយាយថា៖ “ខ្ញុំមិនច្បាស់រឿងពានរង្វាន់អ្នករកគ្រាប់បាល់បានច្រើនទេ ខ្ញុំចង់ឈ្នះពាន La Liga ច្រើនជាង។ យើងនឹងប្រយុទ្ធដើម្បីយកពានរង្វាន់នេះ។ យើងកំពុងជួបបញ្ហាច្រើន និងដើរទៅមុខយឺត បាត់បង់ពិន្ទុច្រើន។ យើងគួរតែឈ្នះការប្រកួតកន្លងមកនេះ ដូចជា Alaves , Getafe និង Real Madrid ជាដើម”៕
ប្រភព៖ Goal