ក្រុមហង្សក្រហម Liverpool បាននាំមុខ ៣ ពិន្ទុឈរកំពូលតារាង Premier League បណ្តោះអាសន្ន ក្រោយពីបានយកឈ្នះ Tottenham ដោយលទ្ធផល ២-១។ នេះជាការស៊ីដាច់មួយគ្រាប់ដូចលទ្ធផល ៤ ប្រកួតចុងក្រោយ ដែលមាន ២-១ បីលើក និង ១-០ មួយលើក។
នៅឯកីឡដ្ឋាន Anfield កីឡាកររបស់ហង្សលេងសម្រុកឥតឈប់ ដោយស៊ុតចំគោលដៅ ១១ លើក គ្រប់គ្រងបាល់ដល់ទៅ ៧៦ ភាគរយ ខណៈក្រុមភ្ញៀវមាន់ខ្នាយមាសស៊ុតចំ ២ លើក គត់ ហើយគ្រប់គ្រងបាល់បានតែ ២៤ ភាគរយប៉ុណ្ណោះ។
គ្រាប់បាល់បើកឆាកធ្វើបានដោយកីឡាករ Mohamed Salah មុនពេលលេខ ៧ Son Heung-min តាមស្មើនៅរំលង ៧ នាទីបន្ទាប់។ លទ្ធផលបន្តនឹង ១-១ ដល់នាទី ៩០ ទើប Roberto Firmino សម្រេចទីមួយគ្រាប់ យកឈ្នះតែម្តងទៅ។
ទស្សនាវីដេអូខាងក្រោម៖
បញ្ជាក់ថា ប្រកួតបន្ទាប់នៅចុងសប្តាហ៍នេះ Spurs នឹងត្រូវជួបក្រុមខ្លាំងមួយទៀតហើយនោះគឺ Leicester City រីឯ Liverpool ត្រូវជួប Crystal Palace មានផ្សាយផ្ទាល់លើទំព័រ CTS Sports៕